tlhIngan-Hol Archive: Mon Oct 17 16:01:45 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay vaghmaH jav: <vu'wI' tup>
<html>
<body>
Mahoun has returned from a meeting with the Klingon emissary during which
she told him how easily she could kill him.<br><br>
56<br>
loHwI' tup<br><br>
Duj tIn vu'mo' Mahoun, qaStaHvIS po, DungluQ, pem, ram je Qu'mey Sar
ta'nIS. pIj ramjep vumtaH. reH ghom vay' pagh rI' vay' pagh tlhob vay'.
tIv Mahoun 'a rut QubnIS je. QumpIn rI' 'ej jatlh ?qaStaHvIS vaghmaH tup
HISujQo'.? pIj DummeH pagh ghommeH ra' 'a DaHjaj yIt neH. chob chong ghIr
'ej tep choQDaq lengchoH. choQDaq cha' beqpu' ra'lI' teppIn.
jatlhbe'choHDI' teppIn, moDchoH beq. tep luqeng ngaSwI'mey poSmoH. tep
luQaylI'. bejtaHvIS teppIn. mong SomrawDu'Daj QeyHa'moHmeH, woSDajDaq yuv
'ej nach tlhe'. chollI' HoD 'e' leghDI' mon. jatlh ?qatlh naDev
juSuch??<br><br>
jatlh Mahoun ?qaleghDI' reH jIQuch.? vIt. jot teppIn. not 'ov. Doj 'e'
nIDbe'. yuDHa'. tIchbe' 'ej bochmoHbe'. be' ghaH. ngaSwI' tIn peptaHvIS,
'eSSIm porgh rur porghDaj DaHjaj 'e' tu' Mahoun. va. qaStaHvIS vagh DIS
Hoch be'pu' vIbuSHa'. cha'Hu' wa' vIHot 'ej pay' yabwIj Dan. teppInvaD
jatlh ?Qu'vaD Hoch DapoQbogh Daghaj'a', Luhirey?[1]?<br><br>
?HIja' HoD.? jatlh.<br><br>
wovchoH teppIn QumwI'. jang 'ej 'IjchoH. jatlh ?ghobe'. DaH yaHbeHbe'.?
'Ijqa'. ?HIja' wa'leS po qanobqangbej.? DochHa' teppIn 'ach QumwI'vo'
jach vay' 'e' QoylaH HoD.<br><br>
teppIn ghopvo' QumwI' tlhap. 'Ij ghIq jatlh ?jatlh Mahoun HoD.
teppInma'vaD jach 'Iv?? tlhIjchoH Suy boH. jatlh Mahoun ?bInabpu'be'chugh
pIch ghajbe' teppIn. DaH yItlhIj.? teppInvaD QumwI' nobHa'. <br><br>
rInpu'DI' jabbI'ID, QumwI' SoQmoH teppIn 'ej mon. ?vISIQlaH. be' nen
jIH.? ngaSwI' tIn woHchoH 'ach Dej ngaSwI'. choQ ravDaq pum
pu'HIchmeyHey. wa' woH Mahoun. ?puj HIch 'oH? jatlh teppIn. [15]<br><br>
?nuqjatlh??<br><br>
?puj HIch. vay' DabachDI' SomrawDu'Daj pujmoH. HoHbe'. 'oy'be'. motlh
pumbe'. ru'ba'. 'a nom qetlaHbe', pe'vIl qIplaHbe'. Hub'eghmeH lI'.
Ha'DIbaH SeHmeH lo' wIjwI'. 'a buvDI' HoS nuH 'oHmo' naDev Hat. tepvam
wIQolpa' DIteqnIS.<br><br>
?Daj? jatlh HoD. puj HIch roQbe'. ?nIghongqa'chugh Suy, HISovmoH? jatlh,
'ej tep choQDaq yItqa'.<br>
<font face="Times New Roman, Times">---<br>
SKI: Mahoun visits the loadmaster on the cargo deck and leaves with a
souvenir.<br>
----<br>
[1] teppIn pong<br>
[15] Yeah, yeah, they're speaking yel Hol and the corny trade name only
works in Klingon. Well maybe it works in yel Hol too, only
differently.<br>
</font></body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol