tlhIngan-Hol Archive: Thu Nov 17 07:32:31 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay chorghmaH jav: <Heghba'lI'>
Hota'ro' can perceive and see again. Gotta love that Klingon
metabolism. Let's see how the FO is doing.
---
86
qaSpu'DI' tup puS jatlh Hota'ro', "HoD, jIDoy'qu'law'. qaStaHvIS rep
puS choSonqang'a'?"
"meH vISeH, DeghwI'," jatlh HoD. "mIch wejDaq yIQongQo'." HoD pa'
Qong 'e' chaw' HoD 'ach meH HeH HurghDaq QotchoH 'e' wIv Hota'ro'.
choQDaq QongchoH 'ej qaStaHvIS yaH poH reH bejchoHDI' tlhuHtaH.
meH 'el ghutar, HobtaHvIS. DeghwI' yaH chIm leghDI' HoDDaq tlhe'.[40]
QeHlaw' qabDaj. jatlhlaHpa' jatlh HoD, tlhuptaHvIS, "yIchuSQo'.
QongtaH DeghwI'ma'." Hota'ro' Daq 'ang. belchoHba' ghutar.
QongtaHbogh be' nuD ghIq nIQ SuqmeH Sojpa' ghoS. cheghDI' SopmeH
ba'choH. ghutarvaD meH Qay HoD. Duj Dotlh ja'ta'DI' HoD jatlh ghutar,
"QongtaHvIS yaS wa'DIch, jachtaH ."
"jISov," jatlh HoD, 'ej SuchmeH Hu'.
QongDaqDaq QottaH 'ungya. bejtaHvIS HoD jachqu'mo' vem'egh. HoD
leghDI' jatlh, "maqochwI', qatlhobnIS ..."
jatlh vajar, "nuq DapoQ?"
jatlh 'ungya, "DaSov."
jatlh vajar, "Qo'."
jatlh 'ungya, "muHIvDI' jagh, 'oy'qu' 'ach 'oy'vetlh ramqu'moH 'oy'
vISIQtaHbogh. muvegh pagh. luHwIj ngImDaq nonchoH Soj vISoppu'bogh.
nIteb jIQamlaHbe'. Hoch tup ghur bep'a' vISIQbogh. HoDwI', jupwI',
vajar! jIHegh 'e' yIboQ. qaqoy'!"
jatlh HoD "qaja'pu'. nuH Da'uchlaHtaHvIS naDev bIlI'taH. Duj
Datoy'meH 'oy' DaSIQnIS." janglaHpa' 'ungya mej HoD. bech jup 'e'
tIvbe' 'ach teH mu'meyDaj. HIvqa'chugh jagh 'ut Hoch SuvwI'. 'ej chaq
pIvchoH 'ungya. pIvchoHta' Hota'ro'. meH 'eltaHvIS jachtaH 'ungya 'e' QoylaH.
meHDaq vempu' Hota'ro' 'ej ghutar retlhDaq ba'taH. "HoD!" jatlh 'ej
luvan 'a HoD pa' lojmIt bejtaH. 'ungya beymey QoylaHba'. QIghpej
SIQbogh qama' rur. vajar pong jachtaH. jangbe'mo' HoD bejchuq
Hota'ro' ghutar je. ghIq Hota'ro' pong jachchoH yaS wa'DIch.
"vISuch," jatlh Hota'ro'. yeptaHvIS Hu' 'ej HoD pa'Daq yIt. 'elpu'DI'
tugh mev 'ungya beymey.
---
SKI: First Officer 'ungya screams while sleeping and awake.
---
[40] Is the locative -Daq okay here? I usually don't use it like
this, but it doesn't have to be read as "turned to the captain."
Pretty much any locative sense works: turned towards/at/to/in the
direction of, so I think it's okay.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol