tlhIngan-Hol Archive: Thu Nov 10 08:21:05 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' SochmaH Hut: <bIjQo'>
Hota'ro' is suited up and headed for the evacuated sector four of the
maybe-not-so-good ship *Vigilant*.
79
potlh Son. SonvaD Hota'ro' Hup 'e' Hech HoD. noDbe' 'e' 'aghmeH,
Hota'ro' bIjbe' ghaH 'e' wuq. bIj latlh. DeghwI' 'emDaq SoQchoHpu'
lojmIt, ghutarvaD jatlh HoD, "loS mIch HurghmoHta'DI' Haghqu'mo'
ghaytan yopwaHDaj yIQmoH. Dughong."
jatlh ghutar, "vISov. wanI'vetlhmo' Hoghvam Qu'HommeywIj ta'nIS.
morghbe' 'ej batlh ta'lI'. muquvmoH 'ej tuqDaj quvmoH." qeHbe'ba' ghutar.
HaStaDaq Hota'ro' Hoqra'mo' mIch cha' cha'lu'. qIDmeH, puchpa'
mojpu'bogh jolpa'[23] Hotlh, juStaHvIS, ghIq lojmIt cha' leQDaq
ghopDaj cha', 'uytaHvIS. vegh 'ej SoQchoHtaHvIS lojmIt mIch wejDaq
beq pa'mey, bIQ pat, muD ngeb SeHwI' je lojmItmey cha'. QumwI' lo'
'ej jatlh. "ghutar ne', mIch wejvo' muD yItlhuch."
"lu' lagh," jatlh ghutar 'ej muD QaymeH leQmey wIv.
"DaloSmoH 'e' vIchaw'," jatlh HoD. " qabIjbe' Qu'Daj DaQatlhmoH DaneHchugh."
Sagh ghutar, mIch Dotlh buStaHvIS, jatlh "vIneHbe', HoD. not moch Qu'
vInIS vIneH."
jatlh HoD. "moch ghaHbe'. qanumta'. DaH lagh SoH je."
"choquvmoH, HoD," jatlh ghutar 'ej HemchoH volchaHDu'Daj. QaylI'bogh
muD jIHtaH, ghIq ghuH SeHlaw. "wIHotlhlu'!'" jatlh ghutar. "botjan chu'!"
"majQa'! Datojchu'!" jatlh HoD. Hota'ro' yInroH bejtaHvIS Hagh.
ghummo' moD tIqDaj.[30]
"HoD," jatlh ghutar, "jIqIDbe'. wIHotlhlu'law'pu'. 'a Duj tu'be'
noch." loS 'a ngeblaw' ghum. Hota'ro' luja'.
mIch wej chImmoHta' 'e' 'olDI' Hota'ro'vaD Qum. HaSta lubej lojmIt
wej leQ 'uytaHvIS Hota'ro'. ghopDajDaq ngaDtaH Hoqra' poSchoHtaHvIS
lojmIt. mIch loS 'agh. qay'be'law'. 'el Hota'ro'. loj choQ 'ay'mey
puS. poStaH puchpa' lojmIt. tlheghDaj baghpu'DI' Hota'ro' puchpa'
'el. Som tI'ta'bogh yaS wa'DIch HotlhchoH. QaQlaw'taH Som lIw.
vumtaHvIS Hota'ro', mIch wejDaq mIch vagh muD QaylI' ghutar.
Hota'ro'vaD ghong chuptaH HoD 'ach tojbe'taH ghutar. tagha' jatlh
ghutar. "HoD, choqaDlI'neS 'e' vISov. qaDmey vIlajqangchu' 'ach
jIHvaD tlhoy ngeD qaDvam. Hota'ro' DuQDI' jagh Daleghpu''a'?"
jatlh HoD, "vIleghpu'be'. pumlaw'DI' vIQoy neH."
jatlh ghutar "nuchol cha' jagh. muHIvchoH wa' 'ej Hota'ro' HIvchoH
latlh. nuH ro' joq vI'uchlaHbe'mo' jIHubqu''eghlaHbe'. Hub'eghchoHpa'
Hota'ro', muHIvbogh jagh HoHmo' DuQ jagh cha'DIch. muHubbe'ta'chugh
jIHegh. not Hota'ro' vIghong. vIHubrupqu'."
---
SKI: ghutar won't pick on Hota'ro' because he feels he owes her his life.
---
[23] Bonus points if you picked up on this already in the second to
last paragraph of 'ay' javmaH Hut.
(I know ghunchu'wI' did. He even sent me a link)
[30] I got this wrong and had to do a separate proofreading pass to
ensure everyone had the right number of each kind of internal organ
for their species in this story.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol