tlhIngan-Hol Archive: Sun Dec 19 05:57:21 2010
[Date Prev][Date Next][Thread Prev][Thread Next]
Re: ram nI' lop bom
- From: R Fenwick <[email protected]>
- Subject: Re: ram nI' lop bom
- Date: Sun, 19 Dec 2010 23:53:56 +1000
- Importance: Normal
ghItlhpu' lojmIt tI'wI' nuv, jatlh:
>naDev jIja''eghlaH neH. Sumbe' jatlhwI'pu'.
rut qay'. jIHvaD qay' je. Australia vIDab. SepvamDaq latlh tlhIngan
Hol jatlhwI' tu'lu'chugh vISovbe'chu'. ghaytan ratlh pagh. chaq wa'.
Melbourne Dablaw' Nick Nicholas 'ach qaStaHvIS DIS law' tlhIngan Hol
jatlhwI' ghommeyDaq vIleghbe'taH.
bImob, 'ach ngoDvetlhmo' bImobbe'. puSbe' latlh nuvvaD tlhIngan Hol
jatlhbe'pu'bogh nuvpu''e'.
>lI'be' laHwIj. lI'be' vuDwIj. ghaytan lI'be' yInwIj. SaH 'Iv? ram.
teHbe'. lI' Hoch laH. potlh Hoch vuD.
Skype yISuq, ghIq QIn HIngeH. ghaytan majatlhchuqmeH poH wIcherlaH.
majatlhchuqjaj 'ej tlhIngan Hol wIlo'jaj.
'ebvam jon neHchugh latlh nuv, murI'jaj je ghaH.
QeS 'utlh