tlhIngan-Hol Archive: Thu Dec 16 19:19:14 2010
[Date Prev][Date Next][Thread Prev][Thread Next]
Re: ram nI' lop bom
- From: "lojmIt tI'wI' nuv" <[email protected]>
- Subject: Re: ram nI' lop bom
- Date: Thu, 16 Dec 2010 22:15:39 -0500
- Dkim-signature: v=1; a=rsa-sha256; c=relaxed/relaxed; d=gmail.com; s=gamma; h=domainkey-signature:received:received:content-type:mime-version :subject:from:in-reply-to:date:content-transfer-encoding:message-id :references:to:x-mailer; bh=kVfmbi60j53HT8/DVa5IgKJk4Hr02wNIjDs4RbGrfRE=; b=LTqsiEBuMfFniKqcQCgnDxu4rC7PW4SEwIr7o60X/giODhpBd+tvZKZvvfgT9R7GJ8 WtJSZaeUKXAKOaZQHw1c4d4x5wSV/SyvptEElhwSsOdJs4Jq5BB1SANubhYQ2SKm37be pKTmH6G+cPFhoriLmc4ixSjdAgQ3xVZBElPCc=
- Domainkey-signature: a=rsa-sha1; c=nofws; d=gmail.com; s=gamma; h=content-type:mime-version:subject:from:in-reply-to:date :content-transfer-encoding:message-id:references:to:x-mailer; b=JSllv8k4MzhQMk3VULSNZIxgjVJntjOSAYsI6sqB5rdABOVARxNBWtdApin1z1jPs1 8/aIwD2AO3tOnTctyLaeuZzc3lP0LId77mjnFft+PTrwSaGPAStq2F3+IoGiHfQzkqkF NczawuUkQUKZYsNwCpg0nBKhyO2mMfANPIekk=
- In-reply-to: <[email protected]>
- References: <[email protected]>
tlhoy Hopmo' Chicago, vISuchlaHbe'. poH 'ej Huch poQlu'bogh vIHutlh. tlhoy jIvum.
'eb Dajonta'mo' qaHoy'. qaStaHvIS cha' jaj, QInlIj vIlaDmeH poH vISambe'taH. DaH QInlIj vItIvqu'.
raghpu' jatlhmeH laHwIj. mu'mey law' vIQulnISpu'. QIt vIyaj. ghaytan mugh vIbejchugh, HochHom vIyajbe'.
naDev jIja''eghlaH neH. Sumbe' jatlhwI'pu'.
lI'be' laHwIj. lI'be' vuDwIj. ghaytan lI'be' yInwIj. SaH 'Iv? ram.
'ach rut qaS 'eq qub. jIloSlaH...
lojmIt tI'wI'nuv
On Dec 14, 2010, at 11:01 AM, ghunchu'wI' 'utlh wrote:
> [tlhIngan Hol jatlhwI'pu' QInvam vIngeH. vImughpa' tuvnIS yajbe'wI'pu'.]
>
> toH, <<ram nI' lop bom>> vIleghta'. vIDelmeH wa' mu' vIwIvnIS, ngeD
> wIvwIj: chong!
>
> buy' 'ISjaHwIj. Chicago much vIleghmeH wa' jaj neH tu'lu'. vaj wej
> Hogh ret chaw'mey vIje'. loQ maghIQ 'e' wInab. loS rep leng 'oH.
> qaStaHvIS wa' jaj cha'logh lengvetlh vISUQ vIneHbe'mo', mebpa'Daq
> maQong 'e' vInab. 'ej latlh Qu' wISuq: chIrghmajvaD See's Candies
> yuch le' wIje'nIS.
>
> vaj chen jeymaj. Saturday be'nalwI' loDnI' juHDaq be'nalwI' SoS
> wIHIjmeH Indianapolis wIghoS. pa'vo' Chicago botlh wIghoS 'ej much
> wIbej. ghIq Lombard mebpa'mey Hop DIghoS (wa' rep poQ leng). Sunday
> maQongpu'DI' 'ej nIQ wISoppu'DI' Downer's Grove-Daq yuch Suy' wISuch.
> qaStaHvIS pov juHDaq malengqa', rInpa' pem SoS wISuqqa', 'ej Dor
> lengmaj.
>
> Qap nab bID wa'DIch. Qapchu'. 'uQ wISopmeH mayev. pup leng poH.
> malengtaHvIS SISqu', 'ach muchmeH vaSDaq mapawDI', SIS 'e' mev.
> mapaSbe' 'ej tlhoy ma'eqbe'. nom ngevwI'vo' chaw'mey vIDIlta'bogh
> wIHev. tugh lojmIt poSmoHlu' 'ej quSmeymaj wISam 'ej maba' 'ej
> maloSchoH. rav'eqDaq Hov leng QoQ wIQoylaH. <Qoy qeylIS puqloD> bom
> Qoylu'DI' vIbom je jIH. latlh bejwI'pu' vItu'choH. DIvI' HIp wov tuQ
> wa' puq 'ej pu'HIch ngeb qeng; HIp Doq tuQ vavHeyDaj. buy'choH muchmeH
> pa'. puS quSmey chIm. wej quS Dan qorDu'wIj; maH retlhDaq chIm cha'
> quS. pay' mumerqu' wanI' vIpIHpu'be'bogh: 'el HoD Qanqor, pagh je!
> chaH vIrI' 'ej maHagh. ghIq quSmeychaj DItu': quSmaj retlhDaq bIH.
> wanI' wInabchu'ta' 'e' rurbej.
>
> mongDechwIjDaq tlhIngan Hol yejHaD DeghHom vItuQ. yotna' wa'DIch
> yIvbeH tuQ pagh. HIp Quch je tuQ Qanqor, vaj ghaH buS HochHom.
>
> taghpa' much, SoQHom jatlh much DevwI'. muchmeH ghom QIj; ngoq QIj.
> QumwI'mey luchu'Ha'lu' 'e' qap. Dung jIH 'ang, nuja'taH <naDev
> mughlu'>. 'ej jatlh <DaH mughwI' poQbe' wa' bejwI'>, Qanqor SIqtaHvIS.
> SIbI' pe'vIl majang: <wej! wej maH!> 'ej wej nItlhDu' DI'ang. yajba'
> DevwI' 'ej bejwI'pu'vaD lugh'eghmeH jatlh <wej. mughwI' poQbe' wej'e'.
> qaSpa' ramvam qaSpu'be'.>
>
> much vIDelQo'. chong. wa'logh mu' mughlu'be', 'ej maHaghqu' jIH pagh
> Qanqor je neH.
>
> rInDI' much, majaw DawI'pu' bejwI'pu' je. DIHoy'. mabomqa'. Doj wa'
> DawI'; <Qoy qeylIS puqloD> ghojchu'ta' 'ej tlhoS pup ghoghDaj.
> maja'chuq much DevwI', qorDu'wIj je.
>
> 'eH, Qapchu' nabmaj bID wa'DIch Saja'pu'. pup nab botlh. 'ach nab bID
> cha'DIch'e' loQ vIDelvIp. muchmeH yaS wImejrupDI', peDtaH. Do' qachDaq
> Duj vIverghmo' QaD. mebpa'mey DIghoStaHvIS, peD net ghur. yav pIDchoH
> chuch. QIt jIchIjnIS. mebpa'mey vIleghlaHDI' jIleSchoH, 'ach
> jIDughHa'be'mo' maDo'. Duj vImevbeHmoHDI', mevbe'. tlhoS He
> wIghoSHa'. 'ach qaSbe' lot 'ej mebpa'maj wIDoQ. "popcorn" vut
> be'nalwI'. qul vIchenmoH. qaStaHvIS cha' rep maleS 'ej matuj.
>
> Sunday mavem. nIQ wISop. peD 'e' mev. yuch Suy wIghoS 'ej yuch law'
> DIje'. juH wIghoSchoH. malengDI', nurI' be'nalwI' loDnI'. <ghorgh
> Suchegh? tlhIHvaD SoS wItatlh wIneHqu'.> wej vI' vagh rep maq chIjmeH
> jan. muD Dotlhmo' loS vI' vagh rep vIloy.
>
> jIloyHa'. He'a' wIghoSDI', peDqu'qa'. qaStaHvIS cha' rep tlhoS rav
> vIleghlaHbe'. QIt jIghoSnIS. qaS loS rep. Dor pem. qaStaHvIS cha'
> latlh jIchIjnIS. Qatlh leng. 'ach rInDI', QaQ Hoch. juHDaq matay'qa'.
> maleS. jIQongchu'.
>
>
> <ram nI' lop bom> much Dabej DaneH'a'? ratlh muchmey puSqu'.
> Thursday SaH Marc Okrand. DuHchugh 'eb yIjon! yItIv je!
>
> -- ghunchu'wI'
>
>
>