tlhIngan-Hol Archive: Sat Oct 02 09:28:29 2004
[Date Prev][Date Next][Thread Prev][Thread Next]
Re: lut tlhegh
- From: "Regina Reusser" <[email protected]>
- Subject: Re: lut tlhegh
- Date: Sat, 2 Oct 2004 18:27:49 +0200
- References: <003101c4a154$260d09d0$6401a8c0@SENARA> <[email protected]>
... taHbe'mo' lutmaj, SajwIjvaD Soj vIje'pa' lut vItaHmoH (mon)...
ghItlh ngabwI':
> Qa'Hom lojmIt Sam puq. 'elchoHtaHvIS, *wej* targh HoHnIS 'e' qaw puq.
>
> lojmIt poSmoH 'ej.....
paSchoH, 'ej tamchoH vengHom. juHDaj lojmIt poSmoH loD, 'ej 'el. ghaH
tlhopDaq 'el be'nalDaj.
"'unar", jach loD, "nuqDaq SoH?"
jang pagh.
"QongtaHbej ghaH, yItamchoH", jatlh be'nal.
puqloDchaj pa' 'el loD, 'ej QongDaq chIm tu'. jachqa: "Qu'vatlh!
maDachtaHvIS juHDaq ratlh 'e' vIra', 'ach qachvo' ghoSta'law'. tachDaq
ghaHtaHbej. juHDaq vIqemmeH jImej." 'ej qachvo' ghoS.
bIr muD, 'ej loQ SIS. puqloDDaj qeltaHvIS loD, nom tach ngaSbogh qch chol.
pay' wab Qoy, ghIq loDHom legh. ghaH ghov. puqloDDaj jup ghaH.
loD ngu'laH je loDHom, 'ej Hagh. jatlh: "qatlh DaHjaj tachDaq mutlhejbe'
'unar? juHDaq ratlh 'e' maSlaw'... pujwI'na' ghaH, reH 'e' vISov."
"bIjatlh 'e' yImev, petaQ", jach 'unar vav, 'ach pay' tamchoH. qaStaHvIS 'op
lup tlhuH 'e' mev. tach Suchbe' 'unar, Qub, vaj nuqDaq ghaHtaH? HaghtaH
'unar jup, 'ach SaHbe' loD. 'unar nejmeH qetchoH, 'ej puqloD pong jach.
"bIqet 'e' yImev", jatlh vay'. QamchoH loD. muD bej, 'ach pagh legh.
"yoHqu' puqloDlI'", jatlh ghogh, "Qu' Qatlh chavtaH. ghaHvaD Qob, 'ej chaq
Hegh. 'ach Qapchugh, SuvwI'na' moj. juHlIj yIchegh 'ej yIloS neH."
...
tugh taHjaj lutmaj!
Senara