tlhIngan-Hol Archive: Mon Jan 26 11:28:25 2004
[Date Prev][Date Next][Thread Prev][Thread Next]
jevqu'
*Saint Louis* vIDab. vengwIjDaq wa'Hu' pem SISqu' chuch. HurDaq QobchoH yItmeH qoj chIjmeH Qu'. qaStaHvIS jaj naQ, juHwIjvo' wImejbe'. wa'Hu' ram cha'maH wa' vI' vagh vatlhvI' bID pubmeH Hat 'oH Hat'e'.
DaHjaj SoQ Hoch DuSaQmey. juHDaq ratlh puqpu'wI' be'nalwI' je. Do'Ha', jIvumnIS, 'ej SoQbe' yaHwIj. DaH cha'maH cha' vI' vagh vatlhvI' bID pubmeH Hat 'oH Hat'e' (SochmaH vagh vatlhvI' taDmeH Hat). HutmaH wa' vatlhvI' muD SIp 'oH bIQ'e'. chalDaq law'bogh 'engmey 'ej Hurghbogh tu'lu'.
DaHjaj ram javmaH vagh vI' jav vatlhvI' taDmeH Hat 'oHchoH Hat'e'. wa'leS peD 'e' luHar muD Dotlh tejpu'. wejpuH. ghaytan SoQtaH DuSaQmey. ghaytan SoQbe'taH yaHwIj.
-- ter'eS