tlhIngan-Hol Archive: Thu Aug 21 08:28:53 2003
[Date Prev][Date Next][Thread Prev][Thread Next]
Qatlh HTML
- From: Andrew Strader <[email protected]>
- Subject: Qatlh HTML
- Date: Thu, 21 Aug 2003 09:04:01 -0400 (EDT)
jabbI'ID labmeH HTML lo' 'op HablI' ghunlu'pu'bogh. lI'DI' 'op latlh HablI',
HTML mughbe' 'a Hoch pabDaj DeghmeyDaj je cha'chu'. vaj ghItlhna' yajlaHbe'
lo'wI'. De'wI'vaD neH 'oH HTML'e'. yoqpu'vaD 'oHbe'!
qay' je ghu'vam'e': HTML lo'bogh jabbI'ID'e' lI'DI' HTML mughbejbogh
HablI'e', HevwI' De'wI' SeHlaH ngeHwI' quvHa', HTML lo'taHvIS ghunlaHpu'mo'
ghaH. not HTML mughbogh HablI''e' vIlo'qang. HTML mughlu'bogh vIlaDqangDI',
*browser* neH vIlo' jay'. HTML lo'bogh QIn'e' vIlabnISDI', mIw nIv vIlo':
QInDaq URL vIghItlh 'ej QIn vIlab. HTML lo'chugh HablI'lIj, ghomvamvaD
jIHvaD joq bIlabtaHvIS, HTML lo'be'choHmeH HablI' yIlIS. HTMLmo' buy'bogh
QInmey'e' vIlaDQo'. bIH vIQIH neH. not choQum. vaj moHqu' QInvetlh.
SKI: HTML was not meant for the medium of emails.
Andrew Strader
![[KLI Member]](/pics/KLImemberbutton.gif "[KLI Member]"){kind=small}
![[Hol po'wI']](/pics/level3_big.png "[Hol po'wI']"){kind=small}