tlhIngan-Hol Archive: Thu Oct 08 16:14:56 1998
[Date Prev][Date Next][Thread Prev][Thread Next]
joy''a' Qov? (Was: Re: Las VegasDaq ghom tlhInganpu')
- From: "William H. Martin" <[email protected]>
- Subject: joy''a' Qov? (Was: Re: Las VegasDaq ghom tlhInganpu')
- Date: Thu, 8 Oct 1998 19:14:11 -0400 (Eastern Daylight Time)
- In-Reply-To: <[email protected]>
- Priority: NORMAL
On Wed, 7 Oct 1998 12:16:17 -0700 (PDT) Robyn Stewart
<[email protected]> wrote:
> mujang charghwI'oywI':
...
> > jaghwI' ghaH neHqu'taHghach'e'. vIghompa' jIbel.
>
> jaghlI' DaSuvtaH. not bIjeghmo', reH bIHarghqangqa'mo' qaHo'.
> jeghta'bogh loD vISov.
loDvam lut 'IQ law' jIlwI' lut 'IQ puS. chaq wa'nem wej Hegh.
Qaplaw' Hergh. HeghtaH, 'ach ghu'Daj Dublu'bej.
HeghtaHmo' jIlwI' jI'It 'e' DapIH 'ach bIqarbe'. loQ jISaHbe'.
jupwI'na' ghaHbe' jIlvam. Hegh vIlaj. mumerDI' loQ jI'ItchoH
'ach tugh qa'wI' vIDub. Hegh 'oH reH jaghmaj'e' wISuvtaHbogh.
[I REALLY LIKE THAT DOUBLE MEANING. What a delightful accident.]
> wejlogh 'aw'moHmo' San, DaH Suvqangbe'.
reH lopno''a' 'oHtaH yIn 'e' pIH'a'? 'ebDaj vuvHa'ba'. qatlh
Soj'e' tIvlaHbogh latlh Sop? qatlh muD'e' tIvlaHbogh latlh
tlhuH? Heghchugh qa', qatlh yIntaH porgh?
> yIn HuDmey chavmeH, yIn ngechmey SIQqangbe'mo', beQ yInDaj. rut vIqIp
> vIneH. Qob be'pu' 'e' SovnIS, 'ach be'pu' Qob ngIlnIS. chaq vIqIp
> neHbej neH. :)
yIqIp.
> ==
> Qov - pab 'utlh
charghwI' 'utlh