tlhIngan-Hol Archive: Thu Oct 08 15:55:06 1998
[Date Prev][Date Next][Thread Prev][Thread Next]
Re: Las VegasDaq ghom tlhInganpu'
- From: "William H. Martin" <[email protected]>
- Subject: Re: Las VegasDaq ghom tlhInganpu'
- Date: Thu, 8 Oct 1998 18:53:39 -0400 (Eastern Daylight Time)
- In-Reply-To: <[email protected]>
- Priority: NORMAL
On Wed, 7 Oct 1998 15:06:07 -0700 (PDT) Robyn Stewart
<[email protected]> wrote:
> mujang charghwI':
>
> > On Tue, 6 Oct 1998 16:15:46 -0700 (PDT) Robyn Stewart
> > <[email protected]> wrote:
> >>
> >> jatlh HoD,
> >> <meHDaq bIlIgh DaneH'a' mapuvchoHtaHvIS?> jIyay'!!!!
> >> vIneHqu'bejqu'!
> >
> > meHvamDaq quS lo'be'lu'bogh tu'lu'pu''a'? SupuvtaHvIS
> > bIQamnIS'a'? QamnIS latlh?
>
> *Airbus* meHDaq wej quSmey lutu'lu'. HoD quS, yaS wa'DIch quS je
> 'emDaq jojDaq je quS wejDIch tu'lu'. quSvetlhDaq ba'be'lu'taHvIS quS
> 'oHbe'. vIlo'meH vIpoSnISmoH. *jumpseat* ponglu'. chaq *pick-up
> truck*Daq rurbogh quS Daleghpu'.
toH! be'pu' 'IHvaD quS le' 'oH! vaj muDDuj 'o'Daq jIba'taHvIS
jIH, quSvam ru' vIDIlpu' DaH 'e' vIqellaH. wejpuH.
> meHDaq jIpawDI', *jumpseat*Daq ba' HoD puqbe'. mejqang ghaj.
patlhlIj HoS law' patlhDaj HoS puS 'e' vIpIH.
jInajqa':
SupuvtaH. wejnetlh 'uj 'aD 'Ivraj. Dulegh HoD. be'Hom ja' HoD
<<ba'nIS be'vam.>>
SIbI' QamchoH be'Hom. HoD jang be'Hom <<jIyaj.>> lojmIt ghoS.
HoD ja' be'Hom <<Qapla' jawwI'...>>. lojmIt poSmoH. <<... vavwI'
je.>> Sup.
jatlh HoD <<batlh Daqawlu'taH.>>
> much
> bejmeH ghaH raQpo' 'ay'Daq ba'. ghaytan pIj meHDaq lIgh ghaH 'ej
> ghaHvaD much Daj law' 'engmey Daj puS.
lutwIj qaq law' lutlIj qaq puS.
> maQambe'bej SaqHa'taHvIS Duj. ba'nIS Hoch. jIba', 'ej qoghmey
> vIlo'meH mIw vISIm.
Qatlhlaw' qoghmeyvam. roD nap.
> botlhwIjDaq qogh vIQey'moH 'ej volchaHDu'wIjDaq
> cha' qoghmey vIQey'nISmoH je.
mu' <<Qey>> Dalo' DaneHba'. QaghHom 'oH <<Qey'>>'e'.
> wa' janDaq rar qoghmey. vIlIStaHvIS
> jatlh HoD, <qogh Seghvetlh Dalota''a'?> muqawmoH *Vrenn Qup.
> boqaw'a'? *John M. Ford* paq _The Final Reflection_ vIqel. juHDaj
> mejtaHvIS Vrenn, toQDujDaq lIgh 'ej qoghmey nIb lo'nIS.
nIb'a'? qoghmeymaj Ho'ba' tera'nganpu'. nIbmeH qoghmeyvam
chenmoH chaH. Qo'noS 'oHDI' Doch mung'e', nIvba' Dochvam.
> [Qey' or Qey?] - I mean "be tight" - I may do up my seatbelt, but
> when it comes to Klingon I'm always flying without a net. :)
wanI'vamvaD *net* DaHutlhba'.
> >> Duj 'o'Daq 'aHwIj vIlon 'ej meHDaq jIba'.
> >
> > meHDaq bIba'chugh vaj nuqDaq ba' HoD yaS wa'DIch je?
>
> quSmeychajDaq ba'ba'. rut muD Duj meHDaq loS quSmey tu'lu'. pIj
> latlh quSmeyDaq ba' qeqlI'wI'pu' nuDwI'pu' joq. rut pa' ba' raQpo'
> Do'. qamer'a'? machqu'chu'be' meH. qamDu'wIj 'etDaq wa' SeHlaw
> bobcho' tu'lu'. loQ 'uSwIj DuQ <SaqmeH luch> chach chu'wI', 'ach pagh
> vInIS.
Do'.
> [<SaqmeH luch> - Do as I say not as I do: this is a poor, overly
> literal translation, but until Okrand gives us WHEEL I'm kind of stuck
> for a way to describe the emergency landing gear handle without
> cheating or writing a paragraph. "landing gear" works in English
> because it's the established way to refer to the wheels and the struts
> that they lower from the aircraft on. But 'landing equipment' means
> the same thing and could as easily refer to flaps, runway lighting,
> indeed anything on the landing checklist.]
>
> >> jIbuSchu'mo', HoDvaD jatlh
> >> yaS wa'DIch, <nom ghojlaw', yIyep, chaq Duj nIH 'e' Hech>.
> >
> > 'e' DaneHbe'ba'. wagh nIn.
>
> teHba'. 'ej juHwIjDaq vIverghlaHbe'. naDev Duj qach lojmIt
> veghlaHbe' *Airbus*.
jIHagh.
> >> tlhoS
> >> puv'eghchu' Duj 'ach laHmeyDaj muchmeH, SeH'eghwI' chu'Ha'
> >> HoD.
> >
> > navmey vIlaD 'e' vInaj: be' 'IHvaD Doj'eghchoHmoHtaHvIS HoD, Duj
> > Qaw'lu'pu' 'ej Hegh cha'vatlh raQpo'...
>
> jIHaghqu'. ghu' Dalach. chaq ghu' lach lutwIj. Dujmo' Ho'ba' Hoch
> HoD net Sov 'ej muchlaHDI' 'eb jon. Duj ra' HoD net chaw'pa', Duj
> puvnISlaHchu' HoD Qapbe'taHvIS Duj SeH'eghwI'. tobnISchu'. chaq <toH,
> Dal lurghvam. DayoymoHlaH'a'?> jIjatlhnIS. mubelmoHmeH vangchugh,
> jIQobbej! :-!
'e' net Sov.
> >> Duj lumuch 'e' lutIvba' yaSpu'. lengvetlh vItIvqu'!
> >
> > ghaytan SoHvaD Duj lumuchmo' chaHvaD vay' Damuch neH yaSpu'.
>
> DaHar'a'? wanI' DunHa'choHmoH qechvetlh. vIHarbe'. Hem neH yaSpu'.
> DochDajmo' Hemchugh vay' 'ej Dochvam DaHo'qu'chugh DuparHa'qu' HemwI'.
'ej bI'IHchugh 'eblIj Dublu'.
> > Do' qoH SoHbe'. Huch rur 'IHlaw'ghachlIj. SoHvaD Dochmey le'
> > je'laH.
>
> vay' vIchav vIneHchugh vIchavlaH 'ach chavbe'law' qabwIj. Dochmey le'
> je'laH qabwIj DaHarchugh chonaD.
jIyuDHa'. DanaDlu'pu'chugh, DanaDlu'pu'. jIram. Duj 'o'Daq
Ho'wI'pu' law' tu'lu'. meHDaq wa' neH tu'lu'. bIQup. bI'IH.
bIval. DuwIv. qabDaj SaHbe' HoD 'e' DaHar'a'? ghaytanHa'.
> > jI'IHbe'ba'. Huchqoqvam vIghajbe'. meHDaq jIba'be'ba'.
>
> bIngotlhchugh 'ej bIDachHa'chugh 'ej tuchbe'chugh malja' (tuch
> *United*, *American* je), chaq meHDaq bIba'. yInID!
jInIDchugh ghaytan *terrorist* jIH net pIH. muqop. muyu'.
> >> vIpepchoH. SomrawDu' ghajbogh Qov boHar'a'? :)
> >
> > ghu' DatIvmo' jIQuch. loQ jIchImchoHlaw' 'ach jIQuch. jIlop
> > vIneH je. vay' vISam. tugh jIlop. mumevlaH pagh.
>
> Las vegaSDaq mutlhejbe' loDnalwI'. lopno' tIvmeH, 'utbe' bang. pa'
> Samchuqlaw' nuv law'. yatlhchoHbe'meH jan nejbogh nuv'e' vItu'. Do'
> ghaH: janmeyvetlh law'qu' ghajbogh nuv Sam. nabnIS tlhIngan nong.
jIyajchu'be'. bImatlhHa'be' 'e' vItul. reH jImatlh. rut
tIqwIjDaq jImatlhHa' 'ej rut jInajDI' jImatlhHa', 'ach reH
jIvangDI' jImatlhtaH. jInongchugh 'ach jIvangmeH jImatlhHa'nIS,
vaj jIvangbe'. jISIQ neH.
Hoch yInwIj vIqawDI' jIHemnIS. batlh vItoy'nIS. latlh wIv
vIghajbe'.
'ej jan vIpoQbe'. vItI'lu'pu'. {{:)>
jIghungchugh SojwIj vISop. latlh Soj vISopQo'. batlh
jInonglaHchu'. batlhHa' jInonglaHbe'.
> [Oops! I almost mistyped that <yatlhbe'choHmeH>. A little exercise on
> the vital importance of rover placement. See the difference?!)
Do'Ha' bIyatlhchoHbe'meH jan Dalo'be'chugh chaq
bIyatlhbe'choHmeH mIw DapoQ. jIHvaD ram. muchoHHa'pa' Qel, vay'
vIyotlhmoHlaHbe'. ngoDvam tIv bangwI'. yInmaj napmoH.
> ==
> Qov - pab 'utlh
charghwI' 'utlh