tlhIngan-Hol Archive: Tue Oct 06 19:20:51 1998
[Date Prev][Date Next][Thread Prev][Thread Next]
Re: Las VegasDaq ghom tlhInganpu'
ja' Qov:
>...jatlh HoD, <meHDaq bIlIgh DaneH'a' mapuvchoHtaHvIS?>
Dunqu' jay'!
>...Duj 'o'Daq 'aHwIj vIlon 'ej meHDaq jIba'.
Dutlhejbe'law' loDnallI'. ghaytan ghaH Dalonchugh bepta' ghaH.
Do' mobtaHvIS 'aHlIj bechbe'.
>...jIbuSchu'mo', HoDvaD jatlh
>yaS wa'DIch, <nom ghojlaw', yIyep, chaq Duj nIH 'e' Hech>.
muSeymoH lutlIj. lenglIj DatIvpu' 'e' vIyajchu'.
>Las VegasDaq tlhIngan Hol neH vIjatlh. 'uQ'a'Daq vatlh tlhIngan
>tu'lu'. DIvI' Hol vIjatlhQo' 'ej vIyajQo'. SaH DaraQ; loQ mughwI'wI'
>Da. motlh jIQumHa'taH neH.
wa' nem pa' bIcheghchugh, mughwI' DapoQbe'. HolQeD DalaDpu''a'? :-)
[vavoy, SoH Dun law' Hoch Dun puS.]
>...wa' tlhIngan Hol
>yejHaD jeSbogh be' vIqIH. Alaska Dab. loQ tlhIngan Hol jatlh 'ach
>ghojqang 'ej chopIlmoH mujatlh.
naDev be'vam tu'lu''a'? ghoj neHchugh, Sup QaQqu' 'oH ghomvam'e'.
>mupIlmoH je ghaH. Huch bajmeH, mI'wI'
>ghaH. mI'taHvIS tuQHa''egh 'ej po'qu'. tlhIngan jech tuQHa'taHvIS,
>maHvaD laHDaj much.
jISIv -- tlhIHvaD DIr 'ar much je? :-)
>pov porghDaj.
vIqSIS rur'a'? *che'qav mu'mey vIqaw.
>DaH porghwIj vIDubmeH 'ughwI'mey
>vIpepchoH. SomrawDu' ghajbogh Qov boHar'a'? :)
'IHtaH tlhIngan porghlIj. DuDublaH neH SomrawDu' HoS.
-- ghunchu'wI'