tlhIngan-Hol Archive: Fri May 01 08:49:48 1998
[Date Prev][Date Next][Thread Prev][Thread Next]
Re: DaHjaj chegh be'nalwI'
- From: "William H. Martin" <[email protected]>
- Subject: Re: DaHjaj chegh be'nalwI'
- Date: Fri, 1 May 1998 11:49:43 -0400 (EDT)
- In-Reply-To: <7107ECAEC9ECD0119BBC00805F684B9C0CE81B@VIPER> from "Andeen, Eric" at Apr 30, 98 04:08:56 pm
According to Andeen, Eric:
>
> DaHjaj ramjep chegh be'nalwI' *Sarah*. QInvam vIqontaHvIS lupDuj quSDaq
> ba'lI'.
maj. bIQuchmo' jIQuch.
> meq law'mo' loQ rejmorgh vIDachoH. ghIHtaH juHmaj. jISay'moHtaH, 'ach
> jIvumtaHmo' Qu'vam vIrInmoHlaHchu'be' pawpa' *Sarah*. ghaytan nI'qu'mo'
> lengDaj bergh *Sarah*.
loQ ghIH juHraj tu'DI' *Sarah*, ghaytan <<mupoQ>> Har *Sarah*.
Duleghpa' berghchugh be'nallI' DuleghDI' QuchchoH 'e' DaSov.
DumuSbogh be' DaSawpu'be', qar'a'?
> 'ach wa' meq Sagh law' Hoch Sagh puS.
>
> puvbogh Saj wIghaj. *African Grey Parrot* 'oH mutDaj'e'. *ZaZu* wIpong.
> chorghleS qaS *ZaZu* qoS cha'DIch. DachtaHvIS *Sarah*, tay'be'ba'taH
> *Sarah*, *ZaZu* je. jIH mutlhejqangbejtaH *ZaZu*, 'ach novpu' par.
> DachtaHvIS *Sarah*, *ZaZu*-vaD nov mojpu''a'? lon *Sarah* 'e' Har'a'
> *ZaZu*? *Sarah* par'a' *ZaZu*? *Sarah* chop'a' *ZaZu*?
SoHvaD qay'be' ghu'. potlh Sajvam 'e' Harchugh be'nallI' vaj
juppu' mojqa'meH Qu' toy'bej be'nallI'. Qu'Daj 'oH. Qu'lIj
'oHbe'.
> ghaytan rejmorgh vIDa neH. wa'leS vemDI' *Sarah*, *ZaZu* mo' Dungvo'
> ngup teq. *ZaZu*-vaD jatlh. *ZaZu* nIQ vut 'ej mo' DuqDaq lan. SIbI'
> *Sarah* parHa'qa'ba' *ZaZu*.
DaH bIQubchoHchu'.
> wa'leS jIlabqa' 'e' vIHech. jajmaj wa'DIch vIqel. jIQuchqu' 'e' vISov.
reloS.
> pagh
charghwI'