tlhIngan-Hol Archive: Fri Jul 31 14:34:12 1998
[Date Prev][Date Next][Thread Prev][Thread Next]
jIghIQrupqa'
- From: [email protected] (Alan Anderson)
- Subject: jIghIQrupqa'
- Date: Fri, 31 Jul 98 16:07:22 EST
rIn qep'a' vaghDIch. qaStaHvIS vagh ben juHDaq yaHDaq je jIHtaH.
qep'a'Daq tlhoS jIQongbe'. motlh cha' vatlh rep jIQongchoHpu'be'
'ej Soch vatlh rep jIvemqa'. DaH tlhoS muyonta' QongmeH repmey.
wej jIDoyHa'chu' 'ach 'oy' vISIQ. tugh jIleSbejta'...
cha'leS ghIQqa' qorDu'wIj. po matlheD; qaStaHvIS pem naQ maghoS.
jajlo' Indiana-vo' mamej; choS Nebraska-Daq juppu' DISuchtaH 'e'
wInab. jaj veb Wyoming-Daq maleng. qaStaHvIS wejleS ram wIyev.
loSleS malengqa'; pov raQqoqmaj 'IHDaq mapaw. juHHom wIcher.
Daqvam 'IH law' Hoch 'IH puS. jen HuDmey. Huv chal. Say'chu' muD.
ram wov Hovmey. yav nguvmoH tI. Dat Ha'DIbach mach lutu'lu'. raQqoq
retlhDaq vIH bIQtIqHom. ngengHom tuj chenmoHlu'ta'. Sar HeHommey.
pa' qaStaHvIS chorgh jaj pe'vIl jIleSchu'.
jItlhuH!
-- ghunchu'wI'