tlhIngan-Hol Archive: Thu Jan 29 18:13:40 1998
[Date Prev][Date Next][Thread Prev][Thread Next]
Re: Unofficial words (Was: Re puqpu')
mujang peHruS:
>bIlugh
>maQumnIS 'ej jIQum vIneH je jIH
>lutlIj maS ngan Suchlu' vItIvchu'
>Dun 'oH
choquvmoH. (lut SoQHom Qav Daghov'a'?)
>mu'mey chu' vIneH 'ej DuvuQmo' jIQuch
>teH tlhIngan Hol mu'mey ngebbe' DISuq 'e' vItul
jIyajchu'be'. teH nuq? teH'a' nungbogh mu'tlhegh? teH'a' vebwI'?
teH'a' vay' pIm? qechvamvaD lI'bej wot mojaq <-bej>.
'ej qatlh <mu'mey ngebbe'> DaghItlh? mu'meyna' Daqel'a'?
>Hol teH rur Holvam ngeb
toH. DIp mojaq DalIjlaw'pu' je. qaqbe''a' <Holna' rur Holqoqvam>?
'ach lughbe' je qechlIj'e'. Holna' 'oHchu' Holvam'e'.
>qun ngaj ghajchugh tlhIngan wo' vaj mu'mey law' ghaj je tlhIngan Hol 'e' vIHar
DaH jImIS. chay' mu'mey law' lIng qun ngaj?
nI'qu'chugh qun, ghaytan law' mu'mey.
'ach ngo'be'chugh nugh, puS mu'mey 'e' vIpIH.
>'ach wej mu'meyvetlh DISov
wej DISovmo', DIlo'laHbe'. vaj Dachlaw'bogh mu'mey tIbuSQo'.
SaHbogh mu'mey tIbuS!
-- ghunchu'wI'