tlhIngan-Hol Archive: Mon Jan 26 18:31:25 1998
[Date Prev][Date Next][Thread Prev][Thread Next]
DaHjaj QIn
- From: "Andeen, Eric" <[email protected]>
- Subject: DaHjaj QIn
- Date: Mon, 26 Jan 1998 19:41:58 -0700
loSHu', <Hoch jaj jabbI'ID vIlab jIHvaD 'e' vIlay'> vImaq. loQ jInep:
<Hoch *vummeH* jaj ...> vIjatlhnIS. yaHwIjDaq jISaHbe'taHvIS, ghaytan
jIbuD, 'ej jabbI'ID vIlab 'e' vIlIj.
toH. wejHu' jIghuntaHvIS, munuQ Qagh. mumoghmoH. DaHjaj vISam 'ej
vIchargh. jIQuch. Do'Ha', Qagh vIlughmoHta'DI', rInchoH jInmolwIj Daj,
'ej jInmol qetlh vIta'nISqa'. qay'be': qetlhlaHbe'chugh yIn, DajlaHbe'
je. tugh jIHvaD rInchoH Qu'vam QIv, 'ej ta'choH latlh, vaj tugh
jIQuchchoHtaH.
DaHjaj ram De'wI'maj wIlo'taHvIS, jaw jIH be'nalwI' je. majatlhlaHbe',
'ach *ASCII* wIlo'laH 'ej maQumlaH. maHopqu' (chaq qaq <maHopchuqqu'>),
'ach HochHom ram majawlaH, 'ej pagh Huch poQlu'. Dunbej *Internet*.
pagh