tlhIngan-Hol Archive: Mon Jan 26 10:20:06 1998
[Date Prev][Date Next][Thread Prev][Thread Next]
Re: Babalon vaghDaq, qaStaH nuq??
- From: "Marc Paige"<[email protected]>
- Subject: Re: Babalon vaghDaq, qaStaH nuq??
- Date: Mon, 26 Jan 1998 11:57:56 -0600
ja' SuSvaj
>>>
qaStaHvIS jar law', *Babalon 5* vIbejpu'be', vaj lut vISovchu'be'.
vIbejtaHvIS, tlhach noH SuvtaH tera' QI', 'ej jonlu' *Sheridon* HoD. ghaH
yu'taHvIS tera' qum, joy' lo'. 'ach wa'Hu', *Bab 5* jabbI'ID chu' vIlegh,
'ej pImqu' ghu'. rInlaw tlhach noH, 'ej boq'a' 'ay' 'oHlaw' tera'. boqvam
Qang ghaH *Sheridon*'e', 'ej ra'wI' chu' ghaj tengchaH. tlhach noH
Qappu'law' *Sheridon* QaS, 'ach chay' 'e' ta' chaH? 'ej nuqDaq ghaH
*Sheridon* yaS wa'DIch'e'? *Evonavich* la'Hom 'oHlaw' pongDaj'e'. DaH
tengchaHDaq, tu'lu'be'. jIHvaD lutvam yIQIj vay'.
<<<
toH, *Babylon 5* Dabej. qaHoy'. *Babylon 5* jabbI'IDmey vItIvqu'.
*Babylon 5* jabbI'IDmey ngo' ngeH *TNT*, vaj lut DaSovchoHlaH.
wa': vIbejtaHvIS, tlhach noH SuvtaH tera' QI', 'ej jonlu' *Sheridon* HoD.
ghaH yu'taHvIS tera' qum, joy' lo'.
QIb noH DaSov'a'? QIb noH Qap *Sheridan*. tera' Qang 'oH *Clarke*.
QIbmey yeq *Clarke* vaj quvHa' ghaH. *Sheridan* jonlu' 'e' nab *Clarke* 'ej
pe'vIl DIS *Sheridan* 'e' nIDlu'. joy' lu'lo'bej. *Sheridan*
luleghHa'moHbogh Herghmey lu'lo'lu' je.
cha': rInlaw tlhach noH, 'ej boq'a' 'ay' 'oHlaw' tera'.
HIja'. rIn tlhach noH, Hegh'egh *Clarke* Qang. qopqIp ghaH. tera'vaD tera'
yuQ Hubmey Qeq.
SIbDoHmey qaw' *Sheridan* Dujmey 'ej tera' choq. boq'a' chenmoH *Sheridan*,
*Dalen* je.
pe'vIl boq'a' muv tera' qum. boq'a' chenmoH wa' vatlh qo'.
wej: nuqDaq ghaH *Sheridon* yaS wa'DIch'e'? *Evonavich* la'Hom 'oHlaw'
pongDaj'e'.
'ejDo' HoD ghaH *Ivanovich*'e'. logh Hop Qul.
yap'a'
SI'IluD
wa'Hu' jIboghbe'