tlhIngan-Hol Archive: Thu Jan 15 19:58:33 1998
[Date Prev][Date Next][Thread Prev][Thread Next]
Re: yagh chenmoHlu'bogh
qaSDI' 09:37 AM 1/15/98 -0800, ghItlh charghwI':
>jIHeghqang. qatlh bIHeghvIp?
>>
>> jIHeghvIp 'e' vIjatlhbe'. jIHeghnIS 'e' vIlajbej. 'ach jIyIntaHvIS
>> jIpIvlaHchugh, vaj jIyIn vIneHbej. yInwIj toDlaHchugh Hergh QeD, 'ej
>> jIpIvchugh, jIyIn vIneH.
>
>maj. SoH SaH law' jIH SaH puS. yIyIntaH. DaH jImI'meH jIyIn.
bImI'meH bIyIn'a'?! jImI'laHbe'mo', latlh ngoQ vIghajnIS ;-) choyajHa'
vIneHbe'. yInwIj vISaH, 'ej HeghwIj vISaH. wa' yIn neH vIghajmo' potlhqu'
yInvetlh. wa' Hegh neH vIghajmo' potlhqu' Heghvetlh je. qo' vISIgh vIneH.
jIlI' vIneH. jIyIntaHvIS, Human Sov vISachmoH vIneH. Sov chu' vItu'bogh
vIqon vIneH, jIHvo' ghojlaHmo' latlhpu'. 'e' vIta'chugh, loQ pongwIj qaw
qun je, vaj jIjub. 'ach chaq 'e' vIghajlaHbe'. chaq wa'leS jIHegh. 'ach
qaSchugh wanI'vetlh lI' HeghwIj 'e' vItul. latlhpu' vItoD jIHeghtaHvIS,
vaj lI' HeghwIj, 'ej batlh jIHegh.
>jImI'taHvIS jIHeghchugh jISaHbe'. mumuSHa'pu' vavwI' 'ach mIS.
>jImuSHa''egh 'ach jImIS. rut vavwI' vIrur.
>
>> > qatlh Hoch tI'nIS Qel? HeghwIj
>> >vIlaj. jIyIntaHvIS jIyIntaH vIneH, 'ach porghqoq vIneHbe'.
>>
>> jIQochbe'. jIpIvlaHbe'chugh, jIyIn vIneHbe'
>
>'ach wuq 'Iv? bIpIv'a'? 'ej QIt bIropchoHtaHchugh ghorgh wuqlu'?
Qatlhbe', jIwuq. 'ej jIwuqlaHbe'chugh, vaj qorDu'wIj vIvoq.
>
>> >jIHeghqang. batlh yIHeghqang!
>>
>> jISuvtaHvIS jIHeghchugh, batlh jIHegh. jIropmo' jIHeghchugh, jIHegh neH.
>
>jIHeghchugh Hegh vIqaDmo' batlh jIHegh. jISuv? jIrop? jISaHbe'.
DaH jImIS. bItlhoch'eghlaw'. Hegh Dalaj 'e' Dajatlh. bIHeghchugh
bISaHbe', 'e' jatlh. DaH "Hegh vIqaDmo' batlh jIHegh" 'e' Dajatlh. reH
Hegh qaD Qelpu'. Hegh 'oH jaghDaj'e'. Hoch jaj batlh Hegh Suv chaH.
>
>> >law'qu' roghvaH. boghtaHchugh ghupu' 'ej Hegh pagh, Do'Ha'.
>> >
>> >> SIDpu' law' tu'lu', 'ach tIqmey puS tu'lu'bej.
>> >
>> >law'qu' tIqDu'. wa' ghaj Hoch nuv. mevchugh tIq, Hegh tIq nuv.
>> >qay'be'. qatlh latlh tIq nIHnISlu'?
>> >
>> >> 'ej tIq SuqlaHchugh SID Do', pIj tIq chu' lajQo' porgh.
>> >
>> >jatlhchu' porghvam. qatlh DayajlaHbe'?
>>
>> jIyajchu'. latlh tIq neHbe' porgh, tIqDaj neH. 'ej SID *cell*Du'vo' tIq
>> chu' chenmoHlaHchugh Qel, vaj tIqDaj ghajlaH porgh.
>
>chentaHvIS tIq chu', SID taDnISmoHchugh Qel DanaD'a'?
qatlh vInaDbe'? qabbe' ghu'vam.
SuSvaj