tlhIngan-Hol Archive: Thu Jan 15 09:20:52 1998
[Date Prev][Date Next][Thread Prev][Thread Next]
Re: yagh chenmoHlu'bogh
- From: "William H. Martin" <[email protected]>
- Subject: Re: yagh chenmoHlu'bogh
- Date: Thu, 15 Jan 1998 12:20:35 -0500 (EST)
- In-Reply-To: <[email protected]> from "SuSvaj" at Jan 14, 98 05:28:35 pm
According to SuSvaj:
>
> ghItlh chargwI'
...
> >ghaytan Hegh. qay'be'.
>
> tIq poQchugh puqlIj, qay'bej 'e' vIHar.
chIch not puq vIboghmoHpu' 'ach tIq poQchugh nuv vIQorghqu'bogh
'ej vISaHqu'bogh HeghDaj vIlajqang. mu'IQqu'moHba' 'ach
vIlajbej. Hegh vIbejqa'ta'.
> >not Hegh vay' DaneH'a'?
>
> ghobe', 'e' ta'laHbe' Hergh QeD. 'ach Human yIn nI'moHmeH vum Qelpu'.
> Hergh QeD Qu' 'oH Qu'vetlh'e'.
not Hegh DalajlaHchugh not yIn DayajlaH.
> >tIqmo' Hegh vavwI'. tIqmo' Hegh vavnI'wI'.
>
> jIQoS.
jIQoSbe'chu'. Heghpu'mo' vavwI' jIlopta'. mughongqu'pu' vavwI'.
HeghDaj bajbejpu' vavwI'. yIntaH vavwI' 'e' qotlhbe' vavwI'.
muS'egh. HochHom nuv muS 'ej Haj. mumuSHa' 'ach mISqu' 'ej
muQorgh 'e' nIDDI' mu'oy'qu'. ralqu'. Qobqu'. Heghpa'
HeghnISlI'. jIHvaD HeghDaj potlh law' Hoch potlh puS.
HeghDI' latlh jI'IQchoH 'ach not vavwI' Hegh vIpay. jInenpa'
Heghmo' vIHoHnISbe'. vIHoHnISbe'mo' bIghHa' vIDabnISbe'. QaQ
ghu'vam.
DaH jIH qan law' HeghDI' vavwI' qan puS. poHwIj vIngIplI'.
le'qu' yIn. Hegh vIlajbe'chugh yIn vIvuvlaHbe'. reH Dochmey le'
Qaw'lu'meH ngeD Qu'. Precious things are fragile.
> > mevchugh tIqwIj,
> >jIHeghqang. qatlh bIHeghvIp?
>
> jIHeghvIp 'e' vIjatlhbe'. jIHeghnIS 'e' vIlajbej. 'ach jIyIntaHvIS
> jIpIvlaHchugh, vaj jIyIn vIneHbej. yInwIj toDlaHchugh Hergh QeD, 'ej
> jIpIvchugh, jIyIn vIneH.
maj. SoH SaH law' jIH SaH puS. yIyIntaH. DaH jImI'meH jIyIn.
jImI'taHvIS jIHeghchugh jISaHbe'. mumuSHa'pu' vavwI' 'ach mIS.
jImuSHa''egh 'ach jImIS. rut vavwI' vIrur.
> > qatlh Hoch tI'nIS Qel? HeghwIj
> >vIlaj. jIyIntaHvIS jIyIntaH vIneH, 'ach porghqoq vIneHbe'.
>
> jIQochbe'. jIpIvlaHbe'chugh, jIyIn vIneHbe'
'ach wuq 'Iv? bIpIv'a'? 'ej QIt bIropchoHtaHchugh ghorgh wuqlu'?
> >jIHeghqang. batlh yIHeghqang!
>
> jISuvtaHvIS jIHeghchugh, batlh jIHegh. jIropmo' jIHeghchugh, jIHegh neH.
jIHeghchugh Hegh vIqaDmo' batlh jIHegh. jISuv? jIrop? jISaHbe'.
> >law'qu' roghvaH. boghtaHchugh ghupu' 'ej Hegh pagh, Do'Ha'.
> >
> >> SIDpu' law' tu'lu', 'ach tIqmey puS tu'lu'bej.
> >
> >law'qu' tIqDu'. wa' ghaj Hoch nuv. mevchugh tIq, Hegh tIq nuv.
> >qay'be'. qatlh latlh tIq nIHnISlu'?
> >
> >> 'ej tIq SuqlaHchugh SID Do', pIj tIq chu' lajQo' porgh.
> >
> >jatlhchu' porghvam. qatlh DayajlaHbe'?
>
> jIyajchu'. latlh tIq neHbe' porgh, tIqDaj neH. 'ej SID *cell*Du'vo' tIq
> chu' chenmoHlaHchugh Qel, vaj tIqDaj ghajlaH porgh.
chentaHvIS tIq chu', SID taDnISmoHchugh Qel DanaD'a'?
> SuSvaj
>
> SuSvaj and charghwI' contine in honorable debate.
>
>
charghwI'