tlhIngan-Hol Archive: Tue Jan 13 10:15:54 1998
[Date Prev][Date Next][Thread Prev][Thread Next]
Re: yagh chenmoHlu'bogh
qaSDI' 07:56 AM 1/13/98 -0800, ghItlh charghwI'
:
>According to SuSvaj:
>>
>>
>> DaHjaj yagh chenmoHghach QeD (Cloning [sp?]) wIja'chuqtaH, juppu'wI', jIH
>> je', 'ej mumerqu' vuDmeychaj. mIghqu' chamvam 'e' Harlaw', HochHom
>> juppu'wI'. Human chenmoHchugh tejpu', vaj qaSbej wanI'mey mIgh law'qu' 'e'
>> Har chaH. 'e' ta'chugh tejpu' vaj toy'wI'pu' chenmoH nughmaj, yab
>> lughajbe'bogh negh chenmoHbej qummey, Hergh ngongmey mIgh ta'bej tejpu',
>> 'e' Har chaH, latlh wanI'mey qabqu' je. 'ach *reactionary*qu' bIH
>> vuDmeychaj 'e' vIHarbej. chamvam ghonglaHbej vay', 'e' vItlhoj. Hoch cham
>> ghonglaHbej vay','ach Human Segh QaHlaH chamvam 'e' vIHar. Hergh QeD
>> DublaH chamvam. jImob'a'? nuq SuHar
>>
>> SuSvaj
>
>loQ ram. le'qu' Humanpu' 'e' Harba' juppu'lI'. jIQoch. jIram.
>ram latlhpu' law' je. boghlu'pu'DI' ram mIw.
>
>Human chenmoHchugh tej, vaj qaStaHvIS wa'maH chorgh DIS, puqvam
>Qorgh 'Iv? QorghwI' potlh law' boghmeH mIw potlh puS.
>
>DaH Humanpu' law' law' Humanpu''e' QorghlaHchu'bogh qo' law'
>puS. Humanpu' mI' wIghur 'e' wIpoQbe'ba'. mI'vam ghurlaHchugh
>chamvam chaq mIghbe' 'ach lI'be'bej.
>
>chIch not puq vIboghmoHpu'. vagh puq ghaj wa' jupwI'. loS puq
>ghaj latlh 'ej SochHu' yatlhqa'lI'. javHu' bong jatlhHa'choH.
>vay' 'IQmoH wanI'vam 'ach Do'qu'. loDnal ghajbe' jupvam 'ej puq
>vaghDIch poQbe'bej.
>
>nuvpu' lutu'lu'bogh DIQorghnIS. qay'. DIQorghchu'taHbe'. Qatlh
>nuv boghmoHmeH mIw chu' wIpoQ? Dogh qechvam! QIp qechvam!
>mIgh'a'? jISaHbe'! QIpba'!
>
>potlhna' ta' tej neHchugh tej, puq Qorghbe'lu'taHbogh QorghnIS
>tejvam! latlh puq Qorghbe'lu'taHbogh chenmoHchugh tej, vaj
>potlhqoq ta' neH. tIq ghajbe'. chathHa' 'IwDaj. bIr yabDaj.
QI'yaH! nongqu'law' vuDlIj. tInqu' yuQvam roghvaH 'e' DajatlhDI'
jIQochbe'bej. qay'bej ngoDvetlh. 'ach chamvam ngoQna' Daleghbe' 'e'
vIHar. Hergh QeD DublaHbej mIwvam. nem law', Human naQ chenmoHnISbe'
tejpu'. wa' porgh'ay' neH chenmoHlaH. tIq, tagh, vay'! DaH, tIq poQchugh
nuv, ghaytan 'oH SuqlaHbe'. SIDpu' law' tu'lu', 'ach tIqmey puS tu'lu'bej.
'ej tIq SuqlaHchugh SID Do', pIj tIq chu' lajQo' porgh. vaj not pIvqu'
tIq HevwI'. qaStaHvIS yInDaj naQ, *Immune system repression* Hergh lo'nIS
ghaH. 'ach, porgh'ay'Du' chenmoHlaHchugh Qelpu', not qay'qa' ngoDmeyvam.
tIq DapoQchugh, porghlIjvo' *cell*mey puS SuqlaH Qel, 'ej tIq chu'
chenmoHlaH. latlh nuv tIq 'oHbe'mo',not lajQo' porghlIj. yInmey pIv
ghajlaH HevwI'pu'. 'ej not ghaqlu'bogh tIq loSnIS vay'. potlhqu' DuHmeyvam.
SuSvaj
SuSvaj and charghwI' debate the subject of human cloneing.
>
>> SuSvaj is quite frustrated by what he sees a the fearfull reactionary views
>> of some of his friends on the issue of human cloneing, and would like to
>> hear the views of others.
>
>charghwI'
>
>