tlhIngan-Hol Archive: Wed Jan 14 15:09:43 1998
[Date Prev][Date Next][Thread Prev][Thread Next]
Re: yagh chenmoHlu'bogh
- From: "William H. Martin" <[email protected]>
- Subject: Re: yagh chenmoHlu'bogh
- Date: Wed, 14 Jan 1998 18:09:32 -0500 (EST)
- In-Reply-To: <[email protected]> from "SuSvaj" at Jan 13, 98 10:32:11 am
taH charghwI':
According to SuSvaj:
>
> qaSDI' 07:56 AM 1/13/98 -0800, ghItlh charghwI'
> :
> >According to SuSvaj:
> >>
> >>
> >> DaHjaj yagh chenmoHghach QeD (Cloning [sp?]) wIja'chuqtaH, juppu'wI', jIH
> >> je', 'ej mumerqu' vuDmeychaj...
> >charghwI'vo':
> >
> >Human chenmoHchugh tej, vaj qaStaHvIS wa'maH chorgh DIS, puqvam
> >Qorgh 'Iv? QorghwI' potlh law' boghmeH mIw potlh puS...
> >
> >potlhna' ta' tej neHchugh tej, puq Qorghbe'lu'taHbogh QorghnIS
> >tejvam! latlh puq Qorghbe'lu'taHbogh chenmoHchugh tej, vaj
> >potlhqoq ta' neH. tIq ghajbe'. chathHa' 'IwDaj. bIr yabDaj.
>
> QI'yaH! nongqu'law' vuDlIj. tInqu' yuQvam roghvaH 'e' DajatlhDI'
> jIQochbe'bej. qay'bej ngoDvetlh. 'ach chamvam ngoQna' Daleghbe' 'e'
> vIHar. Hergh QeD DublaHbej mIwvam. nem law', Human naQ chenmoHnISbe'
> tejpu'. wa' porgh'ay' neH chenmoHlaH. tIq, tagh, vay'! DaH, tIq poQchugh
> nuv, ghaytan 'oH SuqlaHbe'.
ghaytan Hegh. qay'be'. not Hegh vay' DaneH'a'? porghqoqDu'
DISuq DaneH'a'?
tIqmo' Hegh vavwI'. tIqmo' Hegh vavnI'wI'. mevchugh tIqwIj,
jIHeghqang. qatlh bIHeghvIp? qatlh Hoch tI'nIS Qel? HeghwIj
vIlaj. jIyIntaHvIS jIyIntaH vIneH, 'ach porghqoq vIneHbe'.
jIHeghqang. batlh yIHeghqang!
law'qu' roghvaH. boghtaHchugh ghupu' 'ej Hegh pagh, Do'Ha'.
> SIDpu' law' tu'lu', 'ach tIqmey puS tu'lu'bej.
law'qu' tIqDu'. wa' ghaj Hoch nuv. mevchugh tIq, Hegh tIq nuv.
qay'be'. qatlh latlh tIq nIHnISlu'?
> 'ej tIq SuqlaHchugh SID Do', pIj tIq chu' lajQo' porgh.
jatlhchu' porghvam. qatlh DayajlaHbe'? rut maghor 'e' wInIDDI',
maluj. maHegh. qay'be'.
> vaj not pIvqu'
> tIq HevwI'. qaStaHvIS yInDaj naQ, *Immune system repression* Hergh lo'nIS
> ghaH. 'ach, porgh'ay'Du' chenmoHlaHchugh Qelpu', not qay'qa' ngoDmeyvam.
Dogh qechvam. jaj 'ar poQ tIq chenmoHmeH mIw? tugh tIq Du'mey
tu'lu' 'e' Danaj'a'? tIq balDaq yInlaHbogh tIqDu' lupollu' 'e'
DapIH'a'? ghobe'. nuv naQ neH chenmoHlaH chamvam. not 'ay'Du'
chenmoHlaH.
> tIq DapoQchugh, porghlIjvo' *cell*mey puS SuqlaH Qel, 'ej tIq chu'
> chenmoHlaH.
Dogh qechvam.
> latlh nuv tIq 'oHbe'mo',not lajQo' porghlIj.
chenlI'DI' tIqqoqlIj bIHeghbej. 'ach HuchlIj law' bajlu'. {{:)>
> yInmey pIv
> ghajlaH HevwI'pu'. 'ej not ghaqlu'bogh tIq loSnIS vay'. potlhqu' DuHmeyvam.
ghaytan tIq chenmoHlu'meH mIw nI' law' tIq Samlu'meH mIw nI'
puS.
> SuSvaj
>
> SuSvaj and charghwI' debate the subject of human cloneing.
charghwI'