tlhIngan-Hol Archive: Thu Feb 26 10:50:55 1998
[Date Prev][Date Next][Thread Prev][Thread Next]
Re: Zugzwang
nuja' peHruS:
<< I have discovered how to translate "put an opponent into zugzwang"!
Sev >>
ghaytan wot {ngaS} "contain" rur wot {Sev} "contain (an enemy)" 'e' vIHar.
chaq SoHvaD Daj DIvI' Hol "contain" qech le'qu'
"Duv jagh 'e' chaw'be', tlhetlh nabDaj 'e' bot".
qechvam wImughlaH. 'ach *Zugzwang* teH 'oHbe' ghu'vam.
tera' Quj *chess* Dellu'taHvIS,
SuvwI'Hompu'Daj vIHmoHmeH 'eb ghajchugh wa' QujwI'
'ach ghaHvaD qabqu' Hoch DuHmeyDaj chaw'bogh Quj chutmey,
ghu'vetlhDaq *Germany* Hol DIp *Zugzwang* lo'lu' net Sov.
('ebDaj noplaHbe'; wa' wIv tlhap 'e' raDlu'. wanI'vam witu'nIS.)
wa' DIp DamughmeH latlh DIp Dalo' DaneHchugh,
qech nap chol mu'Hey
{vIHmoHnISghach} "need to move (something)".
mu'vam wIparHa'chugh, vaj mu'tlhegh
"I put my opponent into Zugzwang" wImughmeH,
"vIHmoHnISghachDaq gholwI' vIlan" wIjatlhlaH.
'ughqu' 'ej Soy'qu' DIp'a'vam. vIparqu' jIH.
'ej yapbe'! {'e' raD} HoS law' {-nIS} HoS puS.
'ach wa' DIpDaq cha' wotmey wIyuvlaHbe'.
qechvaD mu' le' wISovbe'ba', vaj mu'tlheghmey naQ wI'ogh 'e' vIchup.
"Qaghmey qab moj Hoch DuHmeyDaj 'e' vIraD."
"luj Hoch tuHmey nIDbogh gholwI' 'e' vIqaSmoH."
"Daqmey law'Daq mubuQ, 'ach Dat muHIvlaHtaHbe' 'ej DejnIS."
--jey'el