tlhIngan-Hol Archive: Mon Feb 23 16:40:55 1998
[Date Prev][Date Next][Thread Prev][Thread Next]
"Sphere" chov SuSvaj
wejHu' juppu'wI' vItlhejtaHvIS, jIHlut "Sphere" vIlegh. paq laDpu' wa'
jupwI', 'ach lut vISovbe'. loQ vItIv, 'ach Dunbe' lut.
DaH lut vIDel. bIQ'a' ravDaq 'ejDo' tIQ tu'law'pu'mo' qum, Dujvam DaqDaq
tejpu' puS qem QI'. tejpu'vaD "wejvatlh ben 'oHlaw' Dujvam'e', 'ej
wIHotlhDI' yInroH wItu'." ja' Qu' ra'wI'. yInroHvam luSammeH, tIjwI' ghom
luchenmoH tejpu', 'ej Duj lu'el. DujDaq novpu' tu'lu'be'law', 'ach Human
lommey luSam tIjwI'pu'. vaj nov Duj 'oHbe'ba', 'ach latlh poHvo' ghoSbej.
DujDaq latlh Doch taQqu' Sam tIjwI'ghom. moQ tInqu' 'oH, 'ej tera'ngan
cham 'oHbe'bej. Dochvam ngoQ luyajlaHbe'mo' tejpu, luHaD neH chaH. 'ach
moQ 'elDI' wa' tej, taQwI DachoH ghaH. tugh qaSchoH wanI'mey taQ.
qabbe' lut, 'ach latlh jIHlutmeyvo' ngIpbej. QaQ DawI'pu', 'ej *suspence*
ghajbej "Sphere", 'ach ghaytan paq Dajlaw' jIHlutvam Daj puS.
SuSvaj