tlhIngan-Hol Archive: Sun Feb 08 20:53:26 1998

Back to archive top level

To this year's listing

• Index by Date
• Index by Thread
• Index by Author

De'wI' QujHom ngo'

• From: "William H. Martin" <[email protected]>
• Subject: De'wI' QujHom ngo'
• Date: Sun, 8 Feb 1998 23:53:10 -0500 (Eastern Standard Time)
• Priority: NORMAL

DaHjaj De'wI' Quj vIQuj. QujvaD *lemmIng*mey ponglu'. 
yIt law'qu'bogh Depmey mach. vIra'chugh Qu'mey le' ta'.

yIt. veH ngeQchugh, DoHmeH lurgh choH. qoj ghoSchugh, pum. Hegh. 
vImevmeH wa' vIra'chugh vaj latlhmeyvaD veH moj. lungeQchugh, 
luDoHmeH lurgh choH. wa' latlh Qu' ta'laH mevbogh wa'. jorlaH. 
bIlaDlI'chugh bIyajlaH. wej yImev.

<letlh yIchenmoH!> vIra'chugh vaj mulob. wa'maH cha' 'ay' 
chenmoH, vaj vIra'qa'chugh wa'maH cha' latlh chenmoH. 
jIpaSchugh, vaj volchaHDu' pep. SIvlaw'. yItchoH. pum. Hegh.

<'och yIchenmoH> vIra'chugh, mulob. veghta'DI' pum. Hegh.

<loQ ghIrbogh 'och yIchenmoH> vIra'DI' mulob. veghta'DI' pum. 
Hegh.

<ghIrchu'meH bIngDaq 'och yIchenmoH> vIra'DI' mulob. veghta'DI' 
pum. Hegh.

<yIjor> vIra'DI' vagh toghHa'choH vaj cha' ghopDu' lo'taHvIS 
nachDaj 'uchchoH 'ej nogh. jor.

pIj Hegh HochHom. QIp 'ej vIHoHmeH ngeDqu' Qu'. taHmeH Qatlh 
Qu'. loSmaH wa' mIw' vIta'. vItIvqu'.

charghwI'

• Follow-Ups:
  • Re: De'wI' QujHom ngo'
    • From: Alan Anderson <[email protected]>

• Prev by Date: Re: introduction
• Next by Date: Re: introduction
• Prev by thread: KBLC
• Next by thread: Re: De'wI' QujHom ngo'
• Index(es):
  • Date
  • Thread
  • Author

Back to archive top level