tlhIngan-Hol Archive: Fri Aug 14 17:00:09 1998
[Date Prev][Date Next][Thread Prev][Thread Next]
ngablaw' Qu'meywIj
- From: "Andeen, Eric" <[email protected]>
- Subject: ngablaw' Qu'meywIj
- Date: Fri, 14 Aug 1998 16:56:22 -0700
chorghmaH Hu', Qu' chu' vIta' 'e' lura' pInwI'. latlh Qu'mey
vIrInnISmoHmo', Qu'wIj chu' vIbuSbe'taH, 'ach vIyajmeH 'ej vIta'choHmeH
loQ jIvumchoH. jIQulmeH, wa' je'wI'vaD potlh jIjatlh. latlh vumwI'pu'vaD
jIjatlh. jInmol DelmeH ghItlh vIgherchoH. 'ej rInchoHtaHvIS latlh
Qu'meywIj, Qu'wIj chu' vIbuSchoH.
loSmaH Hu', Qu'wIj chu' luqIl pInwI', 'ej Qu' pIm vIta' 'e' lura'. loQ
munuQ wIvvam, 'ach Qu' wa'DIchvaD jIvumqu'be'pu'mo', 'ej Qu' cha'DIch
vImaSmo', jIQuch. Qu'wIj chu' vIyajmeH 'ej vIta'choHmeH jIvumchoH. cha'
qepDaq jeS vagh vumwI'. maja'chuqtaHvIS qechmey law' DIqel, 'ej tugh
QapmeH Dup vIchenchoHmoH. taghpa' tlhIngan Hol yejHaD qep'a', Qu'
vIyajchoHchu' 'ej jIjeHchoH. Dajqu'mo' jISeychoH. Qatlh, 'ach jIpo' 'e'
vISov, 'ej vIta'laH 'e' vISov. qep'a'vo' jIcheghpu'DI',
potlhqu'wI'qoqvaD Soch Qu'mey chu' DImuch jIH, latlh vumwI'pu' je.
qaStaHvIS wej jaj neH muchwIj vIgher jIvumlaH, 'ach qay'be'. jImuchDI'
jIQap net noH. potlhqu'wI'qoq vuDmeymo', loQ choH 'op Qu'mey. loQ
QatlhchoH Qu'wIj, 'ach vIta'laHtaH 'e' vInoH.
loS Hu', Qu'wIj chu' luqIl pInwI'. Qu' pIm vIta' wej 'e' lura'. vaj DaH
pagh vIta'nIS. tugh latlh Qu' chu' vISam 'e' vISov, 'ach DaH Dal yaHwIj.
ghu'vam vIpar; SuvwI' rIgh vIrurlaw'.
'ach . . . Hoch 'ebmey tIjon. vaj tlhIngan Hol lutmey vIqon. yaHwIj
vISay'moH. rut De'wI' Qujmey nap vIQuj. 'ej jIpawDI' jIpas 'ej jImejDI'
jI'eq. qabchu'be' ghu'.
pagh