tlhIngan-Hol Archive: Mon Apr 20 03:24:22 1998
[Date Prev][Date Next][Thread Prev][Thread Next]
chechtaHvIS chIj
- From: WestphalWz <[email protected]>
- Subject: chechtaHvIS chIj
- Date: Mon, 20 Apr 1998 06:24:01 EDT
jIHvaD jabbI'IDvam HIjmeH jupwI' DIvI' Hol lo' ghaH
tlhIHvaD vImughta'
SoSoy lopno' vIjeSpu' 'ej choja'pu'bogh vIqImbej
chechtlhutlh vItlhutlhbe' 'e' chora' vaj 'awje' neH vItlhutlhta'
yabDaq jIHemqu' SoSoy teH choja'pu'bogh
mIw QaQ vIpabpu' 'e' vISov reH bIlugh 'e' vISov SoSoy
DaH rIntaH lopno' chIjchoHpu'mo' vogh wIleghlaHbe'bogh lughoS Hoch
yavDujwIj vIvongtaHvIS juHDaq jIcheghchu' 'e' vISov
ngoy'mo' 'ej ngaDmo' chonenchoHmoHmeH niW Dalo'bogh jIQobHa' 'e' vISov
lopno' Daqvo' mImejchoH 'ach HeDaq vIchIjchoHDI'......
muleghbe' latlh Duj chIjwI' 'ej mupaw'qu' luch 'ughqu' rur
He DungDaq jIQottaHvIS jatlh yaS 'e' vIQoy
chech chIjwI' cha'DIch 'ach DaH jIpay jIH'e'
naDev jIQot 'ej jIHeghlI' SoSoy tugh bIpaw 'e' vItul
qatlh jIHvaD qaS wanI'vam jorpu' yInwIj jor SuSDeq rur
Hoch loghwIjDaq 'Iw tu'lu' 'IwwIj 'oH HochHom'e'
jatlh Qel tugh jIHegh
qa'ja' vIneH SoSoy HIq vItlhutlhpu'be' 'e' vI'Ip
latlh ghotpu' chaH chechtlhutlh tlhutlhwI'pu''e' Qubbe' chaH
ghaytan lopno' vIjeSpu'bogh jeS je chIjwI'vam chech
nIbbe' wa' wanI' neH chech ghaH'e' 'ach jIHegh jIH'e'
qatlh chechtaHvIS chIj nuv yIn naQ QIHlaH
DaH 'oy' jejqu' vIQom taj 'oy' rur
yIt mupaw'pu'bogh chIjwI' maybe' 'e' vIQub SoSoy
naDev jIQot 'ej jIHeghlI' mubejchu' chIjwI' chech
loDnI'wI'vaD yIja' SoSoy yISaQQo' vavoyvaD yIja' yIyoH
'ej yo' qIj vImuvpu'DI' molwIjDaq mu'mey vavoy puqbe' yInan
chIjwI'vetlhvaD ja'nISlu'pu' bIchechtaHvIS yIchIjQo'
ghaHvaD ja'lu'pu'chugh vaj jIyInlaHtaH
SoSoy Qatlh jItlhuHmeH 'ej jIHajchoH
jIHmo' yISaQQo' qapoQpu'DI' reH jIH retlhDaq SoHpu'
SoSoy Qapla' jIjalthpa' jIghel neH
jIchIjpa' HIq vItlhutlhpu'be' vaj qatlh jIHeghnIS jIH
qatlh Hegh chunwI'pu'
HIq HoS lutIv Hoch tlhInganna' net Sov
pengoy'
vaj SuvtaHvIS batlh Hegh Hoch jay'
peHruS