tlhIngan-Hol Archive: Fri Apr 17 12:41:42 1998
[Date Prev][Date Next][Thread Prev][Thread Next]
*Howard Stern* vIDel
- From: "d'Armond Speers" <[email protected]>
- Subject: *Howard Stern* vIDel
- Date: Fri, 17 Apr 1998 15:40:08 -0400
- Importance: Normal
charghwI'vo':
> Qu'vatlh! *Wednesday 4/15/98* QInvam vIlaD. toH! wanI' yIDel!
wanI'vam Delchu' wa' mu': nI'be'.
*Howard Stern*, *William Shatner* je vIqIH (ghogh HablI' vIlo'taHvIS;
vIqIHmeH
*New York*Daq jIlengbe'). wanI'vam vIDelpa', wa' Hu' qaSbogh wanI'
vIDelnIS. DaH
*Monday* vIDel.
qaSDI' Hut vatlh rep, murI' *Benjamin*. (*Gary* boQwI' ghaH *Benjamin*'e').
(*Howard* lIngwI' [1] ghaH *Gary*'e'). *Howard*vaD mughuHmoH 'e' nID.
<<ja'chuqtaHvIS *Howard*, jIH je, tlhIngan vIDa neH'a' *Howard*?>> vItlhob.
<<ghobe'>> jatlh; <<SoH yIDa>>. <<vay' vIja' neHbogh
*Howard* tu'lu''a'?>> vtlhob. <<HIja'>> jatlh; <<*Howard* DaqIHDI', vay'
QaQbogh [2] yIjatlh,
'ej tlhIngan Hol yIlo'>>. wejpuH.
qaStaHvIS jaj Hoch jIbIt. qaSDI' javmaH vatlh rep, murI'qa' *Benjamin*.
<<maQublI'>> jatlh;
<<*E!*Daq *Howard* Datlhej wIneH. juHlIjDaq *television camera* beq
DIngeHlaH'a'?>>.
<<qay'be'>> vIjang. wInab. DaH jIbItqu'choH!
juHwIjDaq jIcheghDI', jIqeqchoH. juHwIj vISay'moHnIS; mu'tlheghmey vIjatlh
vIneHbogh
vIqeq. jup puS vIrI'. jIjotmoHlaHbe'. loQ jIQong 'e' vInID.
DaH *Tuesday* vIDel. qaSDI' loS vatlh rep jIvem. jIDoy'qu'.
qaSDI' Soch vatlh rep, paw *television* beq. luch lucher.
murI'DI' *Bejnamin*, *Howard* boQwI', 'eqqu'. *Howard*vaD jIjatlhmeH,
qaStaHvIS
wejmaH tup jIloS. (murI'mo' jIloStaHvIS jIDIlbe'). ghogh HablI'
vIlo'taHvIS, *Howard*
ghogh vIQoylaH. *William Shatner* ghaH *Howard* meb'e'. ghogh HablI'
DeQmey,
paqlIj chu' je ngev 'e' nID *Shatner*. yIvup!
mulIHDI' *Howard*, *Shatner*vaD jatlh: <<tlhIngan Hol ghojbogh 'ej jatlhbogh
nuvpu''e' DaSov'a'?
nuq DaQub?>> muqIch *Shatner* neHba' *Howard*, 'ach muqIchQo'. <<tlhIngan
Hol Dajatlh'a'? teH'a'?>> mutlhob *Howard*. <<bIjatlhchu''a'?>>.
<<jIjatlhbej>>
vIjang. <<vay' yIjatlh>> poQ *Howard*. vaj jIjang: <<*Howard Stern*,
"William
Shatner* je vIqIHmo' jIQuchqu'!>> [3] ngeDqu', qar'a'? <<tlhIngan Hol
jatlhbej ghaH!>>
jatlh *Robin*. ghaH vImerlaw'. :)
ngoDvam DayajnIS: mu'tlheghmey law' vIqeq. *Howard* vISovchu'be', 'ach
*Howard*
luQoybogh juppu' law' vIyu'. qaStaHvIS DIS law' tlhIngan Hol vIjatlh:
jIghuH 'e' vIHar.
mu'tlhegh vIqeqbogh vIjatlh 'e' poQ'a' *Howard*? ghobe' jay'. <<The rain
in Spain
falls mainly in the plain>> vImugh 'e' tlhob. wanI'vam DayajnIS: jIbItqu',
'ej loQ jIDoy'.
*Howard Stern*, *William Shatner* je vIqIHlI'. *television camera* tu'lu'.
'ej muQoy
wa'maH cha' 'uy' nuvmey. jIpumchu'. jIjatlhbe'. jIjatlhHa'. *Spain*
jatlhlu'meH
mu' tu'lu'be' 'e' vIQIj 'e' vInID, 'ach mu'tlheghwIj vIjatlh 'e' vIrIn 'e'
chaw'be' *Howard*.
petaQ ghaH!
ghogh HablI' rarHa'pa' *Howard*, wa' Doch latlh vIjatlh: <<jabbI'ID ta'
vItoy'>>.
*Howard Stern* DaQoychugh, chaq mu'tlhegh Daghov. pong'eghmeH *Howard*,
"King of All Media" lo' *Howard*.
*Howard* vIcherghmo' verengan vIrur 'e' DaHar'a'?
ghogh HablI' rarHa'DI' *Howard*, ghoghwIj, qabwIj qon *television* beq.
*Howard*vaD
wa'maH mu'tlheghmey vIjatlh. chaq Hoch vIqaw...
1. *Howard Stern*Daq DaH machegh
2. *Howard Stern*Daq tugh machegh
3. *E!*Daq *Howard Stern* DabejlI'!
4. *Howard Stern*vaD Da'IjlI'.
5. <<nuqjatlh>> jatlh petaQ?
6. *Timmy* nach non yIngagh!
7. jabbI'ID ta' ghaH *Howard Stern*'e'
8. jabbI'ID ta' vItoy'!
ghobe'... cha' latlh vIqawbe'.
jItlheDpa', pong chu' munob *Shatner*: "Charmin' d'Armond". :)
vIghomqa'chugh,
muqaw 'e' vIpIH!
toH, charghwI', vIDelchu'a'?
--Holtej
[1] producer. Okay, probably doesn't work too well.
[2] He said "nice", but /QaQ/ is close enough.
[3] qarchu'be'; loQ jIQagh. /qIm/ vIjatlh, 'ach /qIH/ vIHechba'. jIbItqu'!
winmail.dat