tlhIngan-Hol Archive: Thu Apr 16 19:32:04 1998
[Date Prev][Date Next][Thread Prev][Thread Next]
wa'leS mamuch
- From: "Neal Schermerhorn" <[email protected]>
- Subject: wa'leS mamuch
- Date: Thu, 16 Apr 1998 22:39:36 -0400
wa'Hu' qaSpu' qeqmeH poH Qav. Qatlh QoQ 'ej nI' rampu'. jIDoy'qu'choH.
jIjach. Qatlhmo' jImoghchoH. 'ach mamuchtaHvIS QaQ QoQ 'e' vIHarchu'.
qul rur *passion*wIj. bIrHa'choHmoHlaH 'ej meQlaH. vay' vImeQ 'e' vIHarbe'.
tujchoHpu' Hoch 'e' vItul. jIDevchugh mutlha' 'e' tu'lu'mo' reH jIyay'.
vIvoqlu'. Daj...
vIHtaHvIS naQHomwIj, SoQ nujwIj. chaq Do'! po'chu' chu'wI'pu' 'op, 'ach
po'chu'be' latlh. jaqvIp. QIt vIH nItlhDu'chaj. chay' vIQaH? vumnIS chaH.
chaHvaD jIvumlaHbe'. QoQ much 'e' tIv neHchu', 'ach chaq vumqangbe'. reHtaH
neH. wam neH, 'ach woblaHbe'chu'. qeqnIS. vumnIS. teHmo', pup QoQ 'e'
vIpIHbe'. nIDchu' 'e' vIpIH. (chaq jatlh tera'ngan *wa'vatlh vatlhvI'
vIneH!*)
QoQ vIparHa'. chu'wI'pu'wI' vIparHa'chu'. wa'leS maQap.
Qermaq