tlhIngan-Hol Archive: Fri May 31 08:17:49 1996
[Date Prev][Date Next][Thread Prev][Thread Next]
taH Qu' (1/3)
- From: "Robyn Stewart" <[email protected]>
- Subject: taH Qu' (1/3)
- Date: Fri, 31 May 1996 08:16:33 PST
- Organization: NLK Consultants, Inc.
- Priority: normal
ghItlh vIghItlhta'bogh bolaD'a'? :-) (Okrand mu'tlheghvetlh
vIlo'nISbej.)
DaH boHIvmeH lutwIj vIlay'bogh vImuch. tIqbej 'oHmo' loS 'ay' vIlab.
Hoch tI'qangbe' pabpo' 'e' vIpIHbej 'ej vIyajchu'. 'ach Qagh'a'mey
HIja'neS.
------ 'ay' wa'---------------------------------------------------
taH Qu'
QughHey 'oH Qu'wIj'e'. be' Doy'chu' jIH 'ej jImob. jItaHbogh naDev
vISovbe'. De' 'ut vIboS 'e' vIluj. rIQ poS qamwIj 'uSwIj je.
jImoghqu'. 'a
wa'Hu' jIbej HeghtaHvIS tlhIngan SuvwI'. vaj DaH batlh Qu'Daj
vItaHnISmoH.
qaStaHvIS ram pem je qelI'qam law' vIleng. ngemDaq jIyItpu' 'ej
jIqetpu'.
tIDaq jagh vInarghmeH jImol'eghpu'. qaStaHvIS choS, ghIrchu'pa' ram,
muleghlaw' jagh mang. toDbajHey jIH 'e' Qublaw'pu' ghaH. <'uQHey
vItu'> ja' 'e' vIQoy, 'ej mubach. qamwIj 'uSwIj je rIQmoH pu' tIH.
ngechHomDaq jISup 'ej jIloS. toDbajHey nejDI' vay', tlhIngan SuvwI'
Sambej ghaH. 'ach mutlha'be'. Hagh neH chaH Haw'mo' toDbajqoqchaj.
ghungqu'be'law' chaH. jIghungqu' jIH. DaH ram cha'DIch vItaH.
DaH nagh'a' retlhDaq jIba'taH. qam'wIj 'uSwIj je rIQDaq Hovwovmo'
boch 'Iw, 'ach QumwI'wIjDaq bochQo'taH SeHlaw. QumwI' vIchu'choH 'e'
Hutlogh vInID. Hutlogh chu'Ha' QumwI'. 'oH tI'laHbogh jan vIghajnIS,
'ej
ngemDaq janvetlh vIchIlpu' luchmaj wIjormoHDI'. yoSvam luDanbogh jagh
jIHaw'nIS. chaq vaj veHmey vIngu'laHchu' 'ej chaq pa' QumwI'
vItI'laH.
'ach DaH qamwIjmo' jIyItlaHbe' neH. Hurghchu'. 'arghlaw' 'uS.
jIba'taH.
----------tlha'nIS 'ay' cha'-----------------------------------------Robyn Stewart - NLK Consultants Inc. - [email protected]