tlhIngan-Hol Archive: Thu Jun 27 15:14:06 1996
[Date Prev][Date Next][Thread Prev][Thread Next]
Re: KLBC: jIlIHegh vIneH
- From: [email protected]
- Subject: Re: KLBC: jIlIHegh vIneH
- Date: Thu, 27 Jun 1996 18:14:36 -0400
taghwI'pu' pabpo' jIHbe' 'ach vumtaHqu' ghunchu'wI', 'ej <QaghmeywIj boja'
[tlhIH]> jatlh Tony Harris . . . ('ej tlhIngan Hol jatlhwI' po'law' ghaH
TH'e')
In a message dated 96-06-26 22:01:24 EDT, Tony Harris wrote:
>*Vermont*Daq jIyIn. ghojpa'Daq jIvum. tlhIngan Hol vIghojtaHmo' DaH
>tlhIngan
>pong vIghajbe'.
ghorgh pong DawIvpa', pong yIparHa'bejqu'!
mu'tlheghlIj wejDIch vIpar. DaghojtaHmo'qu'? chaq <-mo'> DateqnIS. <DaH>
DateqnIS je, 'ej naDev <'ach> DachelnIS. <tlhIngan Hol vIghojtaH 'ach
tlhIngan pong vIghajbe'>.
>tlhIngan Hol vIghItlhDI' jIQagh 'e' vISov. QaghmeywIj boja' 'e' vItlhob.
lu'. <tlhob> Dalo'DI', <'e'> Dalo'be'. <ja'> vIyajchu'be', 'ach ghaytan
<QaghmeywIj boja' vItlhob> DajatlhlaH. 'ach tlhIngan mu'tlhegh 'oHbe'.
<QaghmeywIj yIja'> DajatlhlaH. tlhobbe' tlhInganpu'. mara'! :-)
>law'DI jajmey Dochvam vIbej 'ej gharchugh tlhIngan Hol ghItlhmey vaj jIQuch.
>'ach tlhIngan Hol ghItlhmey tlhIngan tayqeq ja'bogh vIghItlh 'e'
chaw'lu''a'?
"When the days are many I watch this thing, and if Klingon writings conduct
diplomacy, then I am happy. However, does one permit that I write which tell
Klingon writings Klingon civilization?"
jIyajchu'be', 'ach loQ jIyaj. jabbI'IDghomvam DabejtaH'a'? tlhIngan tayqeq
De' Daghaj'a'? vaj ghoja'! tlhIngan Hol yIlo'taH!
chaq DajatlhlaH <tlhIngan tayqeq luja'bogh tlhIngan ghItlhmey vIghItlh net
chaw''a'?>. <net> vIlo'nIS. 'ej <ja'> moHaq vIchoHta'.
>SuvwI' chaH'a' Hoch tlhInganpu'? Du'meyDaq vumnIS vay'. Suypu' ghaHtaHnIS
>vay'. boja' 'e' vItlhob.
<'e' vItlhob> Dajatlhqa'. <'e'> Dalo'laHbe'. chaq <tuja' vItlhob>
DajatlhlaH. 'ach yIHoSghaj! <HIja'> yIjatlh! yItlhobQo'!
jabbI'IDvam Dayaj'a'? DIvI' Hol vIjatlhnIS'a'? choyajlaHlaw' vaj tlhIngan
Hol vIlo'pu'.
SuStel
Hovjaj 96489.7