tlhIngan-Hol Archive: Mon Jun 10 16:01:53 1996
[Date Prev][Date Next][Thread Prev][Thread Next]
Re: jInajpu' je
- From: [email protected]
- Subject: Re: jInajpu' je
- Date: Mon, 10 Jun 1996 19:01:34 -0400
In a message dated 96-06-10 12:31:45 EDT, wovwI' wrote:
[jInajpu'mo' jangta' wovwI']
>> 'ach maja'chuqchoH.
>
>tlhIngan Holna' DaQoybej'a' 'ej Dajatlhbej'a' bInajtaHvIS?
HIja' 'ej HIja'. rut tlhIngan Hol vIQoy 'ej vIjatlh. 'ach pIj DIvI' Hol
malo'.
>> tugh pa'wIj vItu'nIS. pa' wIDIllaHmeH matay'nIS ~mark jIH je. pa'
>> Daq Sovlaw' ~mark. vaj ~mark vInejchoH.
>
><Seqram has arrived> Dalegh 'e' DapIH'a'? qep'a'Daq jIpawDI' <WHO>
>vIghItlh, vaj pongmey vIlegh, qar'a'? :-)
ghobe'. jInajtaHvIS Seqram vIpIHpu'. 'ach jInajbe'taHvIS, SumtaHmo'
juHmeymaj, Seqram, (tlhIngan pong ghajnISbogh) Laurel, jIH je qep'a' maghoS
matay'taHvIS. (Qatlh je mu'tlheghvam!) DaH yInna' maja'chuqtaH.
vaj qep'a'Daq mapawDI' Seqram Laurel jIH je maSovchuq. (Laurel vIqIHta'qu'.)
'ach pIghovlaHbe', wovwI'!
>> pa'maj tIn law' Hoch jatlhwI'pu' pa' tIn puS. ~mark vItlhob
>> <qatlh?>, vaj mujang. meb qachvaD meb potlh ghaH. vaj pa' tIn
>> lunob.
>
>yInID, ~mark! pa' tIn ghajnIS ~mark. ghaHvaD jatlhmeH luSuch
>luneH Hoch. [Is Hoch plural?]
['e' vIQub.]
>
>DaH yaHwIjDaq jIvummo' mu'ghomwIj vIghajbe' 'ach qep'a' vIDelmeH
><anxiety> 'oSbogh mu' vIghajnIS! <chay' jupwI' vISamlaH? vay'
>vIyajlaH'a'? nuqDaq 'oH mu'ghomwIj'e' jay'?> mayu''eghlaw'.
>mupongmeH <rejmorgh> ja'ta' ghunchu'wI'. jImobbe'law' 'e' jIQuch.
>pongvaD permey Hum Daqem'a', Lawrence?
mu'ghomlIj Daghajbe''a'? majQa'! bImughchu'pu'!
qep'a'Daq jeSwI'pu' vIghovlaHbe'mo' jIjaHvIpbe'. jInajpu' neH. qep'a'Daq
jIHDI', jISeychoH 'ej jIQuchchoH.
SuStel
96443.3