tlhIngan-Hol Archive: Fri Feb 09 20:48:43 1996
[Date Prev][Date Next][Thread Prev][Thread Next]
mubechmoH to'baj nay'
- From: [email protected]
- Subject: mubechmoH to'baj nay'
- Date: Fri, 9 Feb 1996 23:48:12 -0500
ghItlhta' *te'rIy* *Donne'lIy*:
>to'baj 'oH DIr let ghajtaHbogh Ha'DIbaH mach'e'. to'baj 'uS
>lughoDlu'bogh parHa' tlhInganpu'. to'baj 'uS chenmoHmeH mIw le'
>lughajtaH tlhIngan qorDu' Hoch. vutpa'lIjDaq nay'vam noy
>chenmoHmeH mIwvam yIlo':
mIw DaDel 'e' vItIv. to'baj'e' rut vIjonbogh 'ej vIQujbogh vISop vIneH je. 'a
Soplu'meH chay' vIQaQmoHlaH DaH SoHmo' 'e' vIyajchu'. QI'lop nay''e' wa'nem
vIjabbogh lunaDqu' mebwI'. HollaH Daghajbogh SoH vInaDqu' je jIH. 'a wa''e'
vIchup: mu'tlhegh wa'DIchDaq, jaS "'oH"Daq "-bogh" mojaq yIlan. vaj "DIr let"
bIH mu' wa'DIch'e', 'ej "to'baj'e'" 'oH mu' Qav'e'. DachoHchugh, mu'tlhegh
yajmoH law'; Dachoqchugh, mu'tlhegh yajmoH puS. 'e' vIQub, jIQubqu'taHvIS.
'a DaH jIQongchoHpa' paSlu'; 'ej wa'leS po jIvemDI' 'eqlu'. va, Do'Ha'.
ben'a' jatlh ta' *'arHIDa'muS*, "SIQmoHchu'bogh qeq QaQmoH law', qeq Hoch
QaQmoH puS." vaj Do' reH qaS jIbechmeH wanI'.
ghuy'Do