tlhIngan-Hol Archive: Thu Aug 08 18:04:21 1996
[Date Prev][Date Next][Thread Prev][Thread Next]
latlh 'ay' vImugh
- From: [email protected] (The Woulfes)
- Subject: latlh 'ay' vImugh
- Date: Thu, 8 Aug 1996 20:05:59 -0500
Thu, 18 Jul 1996 16:44:24
vIghItlhpu':
---------------------------
vay' vImugh: 'Fallen Heroes' ponglu'bogh paq 'ay' 'oH:
KiravaD jatlh Sisko:
<Heghpu' O'Brien; yIbDaq ratlhbogh porghDaj 'ay'mey tu'pu' QI'Hom
*Sergeant*. loj Hung; reH SuvtaH QI'Hom 'a yay lutullaHbe'.>
mInDu'Daj SoQmoH Kira 'ej Doy'choh porghDaj 'e' Hot ghaH. Qub ghaH:
<may'mey' law' tu'lu' 'ej tul laghajbe'bogh Qu'mey' law' tu'lu'. yay
Dachov 'e' DanID 'e' yav QaQDaq bISuvmeH bIyIn.>
SiskovaD jatlh Kira:
<qaH, naDev chaH jISamlaHbogh Hoch puqpu''e'. jIH...Jake vISamlaHbe'.>
---------------------------
DaH jIghItlhqa'. latlh 'ay' vImughta'.
---------------------------
jatlh Sisko:
<potlhbe', Major. tengchaHvam wIloDlaHbe', 'ej Huv Qu'wIj.
yIntaHvIS naDevvo' jaH votwI' tIjwI'ghom 'e' vIchaw'laHbe'.>
Kira tIq mup taj bIrqu'. Qub Kira: <yIntaHvIS naDevvo' jaH 'e'
chaw'laHbe''a'? HechlaHbe'...>
jatlh Kira:
<qaH, jabbI'IDmey botbogh jan vInarghlaHchugh wIQaHlu'vaD malablaH.>
jang Sisko:
<Bajorvo'? nuq lungeH, Major Kira? 'ejDo' lungeH'a'? Deep Space Nine
wIcharghqa'meH mungeHlaH'a' Bajor?>
Ho'Du'Daj QeymoH. votwI' Duj SuvlaHbogh QI' Dujmey ghajbe' Bajor
'e' luSov, 'ej qaStaHvIS loSmaH chorgh rep DIvI' 'ejDo' luloSnIS.
pawpa' charghlu' tengchaH. chaq Bajor'e' HIv votwI'pu' DS9
lucharghta'DI'.
---------------------------
---valwI'