tlhIngan-Hol Archive: Sat Mar 11 23:46:44 1995
[Date Prev][Date Next][Thread Prev][Thread Next]
juH, juH Dun
- From: Captain Krankor <krankor>
- Subject: juH, juH Dun
- Date: Sun, 12 Mar 1995 02:45:12 -0500
jIcheghmo' jIQuchqu'! Dublaw' ghomvam! DaHjaj jav jabbI'ID vIHev, 'ej
tera'ngan Hol ngaS wa' neH! *** 'e' *** vInajtaH ghomvam wItaghmoHDI'
eli jIH je. taHjaj ghu'vam!
toH, yoDtargh, ponglIj vIqaw 'ach po'wI' SoH 'e' vIqawbe'! majQa',
tlhIngan Hol jatlhchu'wI' Damojlaw'ta'!
nuqDaq jISo'taH 'e' Saja'laHbe'; not mev peghmey. 'ach nepqu'bejqu'ta'
romuluSnganpu'vaD jIcheHta' luja'pu'bogh jay', 'ej veQvam lam joSqangpu'
'Iv 'e' vIghojchugh, nepbogh jatDaj He'So' vIpe' vIchev 'ej pe'vIl
HughDajDaq vIroQ! 'e' Sa'Ip rIntaH! Qu'vatlh! muquvHa' pagh! romuluS
rIymuS joq vISuchDI' jIH, romuluSnganpu' HoHqu'meH 'oHbej leng'e'!
QuSvam Qut luHarbe'chu' jupna'pu'wI' 'e' vISovchu'.
jIcheghlI' 'e' Del jupoywI' David Barron 'e' vIlaDDI', jIQuchqu'moH!
Dunqu'! choquvmoHbej, jupwI' ngo'!
'ej charghwI'vaD yoDtarghvaD je jIjang:
HIp lan tuQvIpbe' SuvwI'na'. Say'laHtaH SuvvIpbogh ghaH HIp neH! {{;-)
'ach jIQochbe', batlh Say'moH charghwI'. nuch jeylu'ta'bogh 'Iw'e'
teqnISlu'ba'.
--Qanqor