tlhIngan-Hol Archive: Sun Feb 26 20:53:41 1995
[Date Prev][Date Next][Thread Prev][Thread Next]
jInmolmey
tlhIngan Hol mu' Hoch vIboSpu'mo' 'ej vItay'moHchu'mo' DaH jInmol vItagh. mu'
Hoch qech vIbuvlI' 'e' vInab. vIbuvmeH, qech'e' qelbogh mu' vIchov. mIw
wa'DIch vIruchmeH, 'ay' wa'Daq poH luqelbogh mu''e' vItay'moH 'ej cha'Daq Daq
luqelbogh mu''e' vItay'moH 'ej jItaH. mIw cha'DIch vIruchmeH, qechchaj Hoch
vIbuvchu'. 'ay' Hoch'e' vIwav 'ej 'ay'mey'e' vIwavpu'bogh vIwav je. vaj
yInwI'vo' yInbe'wI' vIchev, 'ej yInwI' 'ay'Daq Ha'DIbaHvo' yoq vIchev. yoq
'ay'Daq tlhInganvo' nov vIchev, 'ej jItaH. rInDI' paqvam naQ, loHmajvaD
vImuch. ghaytan "HolQeD" QonoSDaq vIDel.
jInmol cha'DIch nungnIS wa'DIch. mu' qech buvwI' paq vIrInmoHta'DI', paq
cha'DIchDaq qechchaj vIQIj. jInmolvam cha'DIch Qatlh law', wa'DIch Qatlh puS.
paqmeyvam vImuchlaHDI', loHvaD jeSwI'pu'DajvaD je lo'laH. pIj tlhIHvaD mIwwIj
vIvumpu'bogh vImuch. vaj DaH vIlIH. vIchuplu' 'e' vIchaw'qu'. nIteb Qu'vam
vIQapmoHchu'be'. jeSjaj je valwI' tlhIHbogh.
mataghmeH, 'ay'mey'e' vIwuq. tIqeS 'ej latlh tIchup, chaq Dachchugh vay'.
naDev tItu':
poH, Daq, Ha'DIbaH, tI, ghot (tlhIngan nov je), logh 'aH, Duj 'aH, qum 'aH,
vIHmeH wanI', Qaw'meH wanI'.
chIch 'ay' puS vInop. chay' vIbuv 'e' qeSlu'chu'meH, leSHom chavwIj yItu',
tuqeSpa'. vaj leSHom jabbI'ID vIlab, 'ej chay' mu' qechmey vIbuv 'e' yIchov.
ghuy'Do