tlhIngan-Hol Archive: Mon Apr 10 07:42:07 1995
[Date Prev][Date Next][Thread Prev][Thread Next]
muHIvqa' veqlargh
- From: Alan Anderson <[email protected]>
- Subject: muHIvqa' veqlargh
- Date: Mon, 10 Apr 95 09:39:16 EST
(written Thursday, March 30)
De'wI'vaD lqw' jIngoy'moH Qu'wIj.
latlhmeyvaD De' toy' De'wI' wa'dIch.
rut qaStaHvIS jar Suv ropchoH law' toy'wI'vam.
De' choHlu' 'e' lIjlaw' toy'wI'vam 'ej potlhmey DIchenmoHbogh DIchIl.
reH qaSDI' ram *backup* wIchenmoH vaj De' wIpolta'bogh wItoDlaH 'ach qay' ghu'vam.
pij DaqmeyvaD De' wIlI'nIS.
tera'Daq Quv Sar ghaj Daqmeyvam.
*North America*Daq bIH wa'maH Daq.
*Europe*Daq biH cha' Daq.
wa' Daq ghaj *Korea* 'ej wa' Daq ghaj *Australia*.
wIlI'nISchuch wIlI'nISqu'. mamImchugh Qu' wIyevmoHlaH.
DaH HIv veqlargh 'ej qay'qu'bogh qaS ghu' chu'.
malI'vIS De'wI' cha'dIch wIlo'.
Heghbejpu' lI'wI'vam 'ej not 'oHvo' De' wIpol.
wIpolbe'mo' maDoghbej.
lI'wI' wIghunnISqa'.
lI'wI'vo' De' wItoDlahbe'ba'.
DIngbogh peQ gho Qaw'lu'. HabHa'choH peQ gho.
DI mojpu' De'.
-- ghunchu'wI' Doy'