tlhIngan-Hol Archive: Wed Jun 22 08:42:22 1994
[Date Prev][Date Next][Thread Prev][Thread Next]
KSRP: Sonnet LX.
- From: [email protected] (Nick NICHOLAS)
- Subject: KSRP: Sonnet LX.
- Date: Thu, 23 Jun 1994 10:22:06 +1000 (EST)
*wIlyam SeQpIr*. *Sonet*mey bom javmaH.
reH bIQ'a' naghHom HeHDaq DuvtaH yu'egh.
'ej rInmeH moD je lupmeymaj. reH Daq'e'
DoQpu'bogh wa' DoQ latlh. tlha'chuqmeH vu''egh,
'ej ghochDaq ov'chuq Hoch; Hoch che'mo' tlhaq'e'.
boghwI'Daq wovDI' Hov'a', boghmoHmeH je
qeqtaH yItHa'taHvIS. ghaH numDI' Dotlh,
naDDaj lubach maQmIghmey, SanDaj meH je.
nobmey'e', nobqangpu'bogh bov, DaH yotlh;
vaQqu' QupwI' 'e' SabmoHbej je bov;
DonmeH Huy' yu'eghHey, Quch 'IHvaD joch;
bIH Sopchu'meH, 'u' chenchu'wI'mey ghov;
yobDI' betleHDaj, tugh QamHa'nIS Hoch.
wej rInDI' bov'e', tulmeH Qambej SoQwIj.
HIghDI' bov ghop, bIDun 'e' naDqa' QoQwIj.