tlhIngan-Hol Archive: Mon Feb 23 13:31:21 2015

Back to archive top level

To this year's listing

[Date Prev][Date Next][Thread Prev][Thread Next]

[Tlhingan-hol] tlhoyHa' tlhIngan Hol vIlo'.

lojmitti7wi7nuv (lojmitti7wi7nuv@gmail.com) 

naDev, tlhIngan Hol lo’laHba’ nuvpu’ law’, ‘ach pIjHa’ qaS. qatlh? nap ghu’. poH law’ wIghajbe’, ‘ej jatlhmeH, qechmey potlh DIHutlh.

toH, chay’ laDmeH laHmaj wIDublaH? chay’ ghItlhmeH laHmaj wIDublaH?

jIbuD ‘e’ vIchID.

qen mu’ghomwIjDaq mu’mey chu’ vIchel. poH poQ Qu'vam. muQuchmoH Qu’vam. jIQIjlaHchu’be’. muleSmoH Qu’vam. batlh jIvumlI'.

roD batlh jIvumbe’. jIbuD. ‘ach qen loQ batlh jIvumlI’.

jajmey tIQ muqawlu’moH. 

toH, nuq vIjatlh?

[hmmm]

cha’Hu’ mev juHwIj qoD tujmoHmeH janwIj. janvam qoDDaq qul tu’lu’. SIp “natural” lo’. nIn ‘oH SIpvam’e’. mev qul. loQ bIrchoH juH.

Do’ latlh qul ghaj juHwIj. jan cha’DIchvam qul bejlu’taH. Qorwagh ghaj. ‘IHqu’. jan wa’DIch qul tuj law’ jan cha’DIch qul tuj puS, ‘ach jan cha’DIch qul tuj law’ pagh qul tuj puS.

wej malja’ vIrI’. chach ghajlu’chugh, QaH ‘e’ lulay’. wa’ jang.

jIHvaD qul jan QIjchu’. vItI’.

tlhoy lam muD Say’moHmeH jan, vaj tlhoy vumnIS qul jan. tlhoy tujchoH. mev’egh.

muD Say’moHmeH jan vIqa’. bIrchoHDI’ qul jan, vImevHa’qa’moH. vumchoHchu’. tujchoH juHwIj. jIQuchchoH jIH.

tlhIngan Quch ghaHbe’ tlhIngan bIr’e' net Sov.

lojmIt tI’wI’ nuv ‘utlh
Retired Door Repair Guy


_______________________________________________
Tlhingan-hol mailing list
Tlhingan-hol@kli.org
http://mail.kli.org/mailman/listinfo/tlhingan-hol

Back to archive top level