tlhIngan-Hol Archive: Tue Sep 03 11:25:19 2013

Back to archive top level

To this year's listing

[Date Prev][Date Next][Thread Prev][Thread Next]

[Tlhingan-hol] HeghlI' be'nalwI' SoS

ghunchu'wI' ([email protected])

From: ghunchu'wI' <[email protected]>
Subject: [Tlhingan-hol] HeghlI' be'nalwI' SoS
Date: Tue, 3 Sep 2013 14:24:58 -0400
List-archive: <http://mail.kli.org/pipermail/tlhingan-hol/>
List-id: <tlhingan-hol.kli.org>
List-subscribe: <http://mail.kli.org/mailman/listinfo/tlhingan-hol>, <mailto:[email protected]?subject=subscribe>

pIvbe' be'nalwI' SoS.
Hut ben QapHa'choHba' yabDaj.
wa'ben jatlhbe'choH 'ej yItbe'choH.
qaStaHvIS jar law' QIt SabtaH DotlhDaj.
Dachlaw' ben ghaH.
tlhuHbogh porgh neH mojpu'.

cha' Hogh rep ghupmeH mIw lIjpu'law'.
tlhutlh neHbej 'ach nIDDI' voQ.
Sopqangbe'.
tugh Hegh net Qub.
Hegh nabmey cherchoH puqpu'Daj.
'ach taH ghaH.

DaHjaj po' De' chu' wIHev.
vul. ghupbe'qu'. tlhuHtaHbe'.
not Sopqa' net pIH. not tlhutlhqa'.
DaH HeghlI'bej.

DaHjaj pov Qu'wIj vImej 'ej wISuchmeH be'nalwI' wItlhej jIH puqloDwI' je.

wISuchtaH.

QongtaH. tlhuHbe' ghIq tlhuHqu' ghIq tlhuHbe'qa'.

tugh juHmajDaq jIchegh.
SoSDaj retlhDaq ratlh be'nalwI'. 
tugh paw be'nalwI' loDnI', be'nI' je.
jaj wISIQ 'ej qaSbogh wanI' DIlaj.

-- ghunchu'wI'

_______________________________________________
Tlhingan-hol mailing list
[email protected]
http://mail.kli.org/mailman/listinfo/tlhingan-hol

Follow-Ups:
- Re: [Tlhingan-hol] HeghlI' be'nalwI' SoS
  - From: "d'Armond Speers, Ph.D." <[email protected]>
- Re: [Tlhingan-hol] HeghlI' be'nalwI' SoS
  - From: Alan Anderson <[email protected]>
- Re: [Tlhingan-hol] HeghlI' be'nalwI' SoS
  - From: "Bellerophon, modeler" <[email protected]>

Prev by Date: Re: [Tlhingan-hol] mangHompu'/neghHom
Next by Date: Re: [Tlhingan-hol] fiat justitia ruat coelum
Previous by thread: Re: [Tlhingan-hol] mangHompu'/neghHom
Next by thread: Re: [Tlhingan-hol] HeghlI' be'nalwI' SoS
Index(es):