tlhIngan-Hol Archive: Mon Jun 25 11:28:26 2012

Back to archive top level

To this year's listing

[Date Prev][Date Next][Thread Prev][Thread Next]

Re: [Tlhingan-hol] nuq bop bom: 'ay' cha'vatlh Hut: yel qa'meH vItlhegh

Robyn Stewart ([email protected]) [KLI Member] [Hol po'wI']

At 11:04 '?????' 6/25/2012, you wrote:

On Jun 7, 2012, at 2:34 AM, Qov <[email protected]> wrote:

> 209: yel qa'meH vIttlhegh

nuq ghajqa'nIS yelwIyyIt? nov ghobchaj. potlhbe' quvna'.


permeyvam vIlanDI', laDwI' vImISmoH 'e' vIHechbe', 'ach jIQaptaH 'e' vItIv.


> vaytaH Mossam. qabDaj mup 'eSSIm, ghIq 'eSSIm yoymoH Mossam.

SuvmeH laHDaj vIHo'.
wa'logh Mossam jeychu' 'eSSIm. tlhIngan ghaHbe' Mossam'e' 'ach le'yo' Hutlhchu'be'. DaH SaHtaHvIS 'eSSIm ghuHqu'. HungpIn mojmeH tonSaw ghojba'pu'. yelwIyyItngan loD yoynISmoHlaH.
> 'eSSIm HughDaq 'uy Mossam qIv 'ej taj lellI' Mossam ghop. yel Hol jachchoH Mahoun. 
>
> jatlh Qa'bar, "Dachaghbe'chugh vaj bIHegh." Mossam nachDaq nISwI'Daj QeqtaH Qa'bar 'e' tlhoj 'eSSIm. tlhoj je Mossam. 

nISwI' mughnISbe'lu'.


vIttlheghmeylIj vIboSnISchoH!


> QIt ravDaq taj lan.

'eSSIm jeybejta' Mossam. munmo' Qa'bar HoHrup 'e' wISovbe'.

> 'eSSImvo' Mossam luH Qa'bar. pe'vIl ravDaq 'uy, 'ej Mossam yu'choH.
>
> jatlh Mossam, "ghobey! Farsajii HungpIn jIH. ghobey! vInol 'ey ghach 'awa'." ghIq yel Hol jatlhchoH. 

morghlaw'. vay' tlhobba' 'ach <nol>Hey vIyajlaHbe'. nuq ta' neH?
DaH 'mu'mey Daghov'a'? DebDaq 'eSSImvaD jatlhDI' wej mu'tlheghmey lo'. DaH jatlhqa' 'e' nID 'ach wabmey qawHa'mo' qalmoHchu'pu'.
> jatlh Mahoun, "SlIngan Hol jaSbe'. DoSchmeyvetlh neH jaSla' 'ej 'op qaw'a'." 

'op jatlhHa' je Mahoun. tlhaQ.


Mahoun nujDaq ghaHvaD DochHey Huj 'oH jatDaj'e'. :-)
> ruq Mahoun 'ej HaghchoH. nom yel Hol jatlhchoH Mossam. jatlh Mahoun, "SImughme' Sloy SISech. cheS. che'ech." jatlhmeH tlhoy chech Mahoun. 

QIchDaj qarmoH 'e' nIDmo' SengDaj vItIvqu'taH.
jatlhlaHbe'taHvIS Mahoun yajlaH laDwI' val vIneH, 'ach laDlaHbe'chugh vIQIjta' je. mIw DatIvmo' jIbel.
> qama' yeb mIrmey qeng Mossam. ghaHDaq ngaQmoHta' Qa'bar 'ej ngaQHa'moHwI' nge'. DaH ravDaq QottaHmo' cha' yelwIyyItnganpu' chon QaQ rur.[257] 

chaq tlhoy' 'IHmoHlaH DIr SuD.
jupwIjvaD 'ay'vam vImughDI', chon yajbe'. yelwIyyItngan wam'a' tlhIngan? jatlh. qech Dayajmo' jIQuch.
> jatlhtaH Mossam, qoy'law'. mughwI' jan laghHa'choH 'eSSIm 'a rInpa' Qu', Mossam mu'mey ghovchoH. tlhIjlI' HungpIn. QIt tlhIj 'ej tlhIjqa'. 'eSSIm pong jatlh je. Qa'barvaD jatlh 'eSSIm, "yel qa'meH vIttlhegh jatlhtaH." jan laghHa'DI' chu' 'ej mu'mey moj Mossam yel Dap. 

qechvam vIparHa'. Babel Fish muqawmoH.
http://www.youtube.com/watch?v=1M6qgZeHZ4E


HIja'!


"yel Dap" perlu' 'e' vIparHa' je. (Brussels-Daq De'wI' vIlo'taHvIS
mulegh cha' loDHom Qup. tlhIngan Hol ghItlh vIlaDlI'. mughel wa':
"What is that?" vIjang: "tlhIngan Hol 'oH. Hov leng lutmey boSov'a'?"
Hagh chaH 'ej jatlh loDHom cha'DIch: "You speak rubbish.")


BrusselsDaq qaSmo' Daj. SarlaH Holmey 'e' yaj Europengan 'e' vIpIH.
> 'eSSImvaD Qa'barvaD je tlhIjqu'DI' Mossam jatlh, "tlhIngan Hol vIyajbe'chu'. 'eSSIm, cha'Hu' qayajmeH, teSwIjDaq QumwI' mach vI'IjtaH, DaqtaHvIS 'ej mughtaHvIS Mahoun. DaHjaj Mahoun Dotlh Daja'Ha'DI' chotoj 'e' vIpIH. Mahoun vISaHqu'. jIHvaD vavwI' loDnI'wI' ghap rur. vIQannIS. wa'Hu' DuSuchmeH mungep. bIQobqu' ..." 

jatlhtaHqu'. yelwIyyIt tIgh 'oHlaw'.



:-)  ravDaq QottaHvIS, ghopDu' lubaghlu'pu'. jatlhlaH neH.


> jatlh Qa'bar, "QobwI' vIngu'nISDI' DujwIjDaq pu' tIH bachwI' vIwIv.

lughchu'!
> 'eSSIm, QIH vInuDtaHvIS QobwI'vam yISeH." MossamvaD ghu' QIj 'eSSIm. ghaqtaHvIS mughwI', Mahoun mu'mey chech, Mossam mu'mey DIv je, yajchuqchoH. Mahoun DeS De' pegh luQIjbe'. DISDaq Hom ghor Mahoun 'ej pa' pe''egh 'e' Har Mossam. 

vIt jatlh, 'ach 'op vIt nop. 'eSSImvaD motlhlaw' to'vam.
nuqDaq ghaH vavlI''e'? qaStaHvIS may' Hegh'a'? jangnIStaH, loS ben boghpu'DI'. to'vetlh Sovchu'. 


> 'oy' botmeH HIq nobta'mo' tlhInganpu' pIHba' Mossam 'ach morghbe'.
>
> jatlh Qa'bar, "naQ Som 'ach SeHmeH bobcho' QIHqu'law'pu' pu' tIH. 'op patmey naw'laHbe'." 

puvmeH 'ut'a' patmey? lutI'lu'meH *veS* SIchlaH'a'?


batlh bIghel.


> jatlh Mahoun, "vIjIl. vchIl. ... 'uch qanop. Huch."
>
> jatlh Qa'bar, "yaSvam yIbIj."

mIn DIl mIn 'ej Ho' DIl Ho', qar'a'?
chay' Mossam bIjlaH Mahoun? yaS tlhIv mup neH vajar. ghaytan loQ ghaH DIlbe' Mahoun.
> qama' mIrmey ngaQHa'moH Qa'bar 'ej MahounvaD nob. jatlh, "Mossam, Mahoun lomqoq DaHIjmeH DujlIj yIrI'. 'IjtaH jaghra'. choyaj'a'?" 

jatlhpu' <jaghra'>. qatlh <jaghma'> jatlhbe'? chaq meq vIyaj.
<jaghma'> jatlhchugh tlhIngan, yelwIyyIt jagh Delbejbe'.


bIlugh. boqchu'be'pu' ghomvam.
'ay'vetlh vIlaDqa' 'e' vItIv. Qaghmey vItu'meH DaH lut naQ vIlaDqa'lI'. jIyev vIneHbe'. jIlaDbe'taHvIS qaS pagh rut 'e' vIlIj. :-)
- Qov 

_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol

Back to archive top level