tlhIngan-Hol Archive: Fri Jan 20 06:25:14 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh wejmaH wej: <qama' mIwmey>
General qImya was asking vajar personal questions.
----
133
vajar Sotlaw' Hotlh Sa'. "qama'lI' ghaHtaH nuvvetlh. Dajonpu''a'
SoH?" jatlh Sa'.
"ghobe'. ngugh ngaq Duj *naQjej yoH*Daq jItoy'. 'avwI' jIH neH. qama'
jonpu' may'Duj *lotlhwI'* negh. Qo'noSDaq wIHIjmeH *naQjej yoH*Daq
qama' luQay," jatlh vajar.
"DaQay 'e' yIDelchu'," jatlh qImyal.
jIjtaH vajar. QI' pegh 'oH De'vetlh'e' 'ach Sa'vaD peghbe'. qama'
law' Qaypu' 'ach qama'vetlh SuD qawchu'. ghIHbe'meH qama'
Qaylu'taHvIS, qaStaHvIS wa' jaj Qo'noS lupawpa' pagh Soj noblu'pu'.
motlh bIQ law' tlhutlh qama'vetlh. 'ojmo' vIngpu'. qama' yebDu'
baghta' 'ej ngIbDu'Daq mIrmey ngaQmoHta'. nuDchu'pu'. leghlaHbe'meH
qama', qab So'bogh qama' mIv lan[110].
pawpu' qama' DorwI'. nuv ghovbe'pu' vajar 'ej pong qawbe'. chaw' qar
ghajpu'mo' qama' nobpu'. DorwI'vaD qama' QorghmeH De' ja'pu' vajar,
<ralbe'. bIQ law' poQ 'ej rotlhHa' DIr>. bIghHa' QonoSDaq De'
chelchoHpu'DI' vajar, vay' Huj tu'pu'. qama'vetlhvaD <HIjlu'taHvIS
Heghpu'> ghItlhlu'pu' 'ej HevwI' pong qIlta' vay'. HoD ja'pu'DI'
jatlhpu' HoD, <yIbuSHa'. Qo'noS bIghHa' SIchpa' Hegh. DapIchlu'be'>.
"may'Dujvo' vay' Daqem pagh vay' DaSo' 'e' ra''a' vay'? 'e' tlhob'a'
vay'?" jatlh qImyal. qaSbe'pu'. vajarvaD Qumbe'pu' may'Duj beq.
"may'Dujvo' luch, nuvpu', De' joq Qaylu'pu''a'?" jatlh qImyal.
"may'Dujvo' vIQaylu' jIH," jatlh vajar. ngugh wa'maH wen may' QIH
tI'lu'taHvIS ngaqDujDaq Qaylu'pu'. qama' Qaylu'pu'. wa'logh jolpu'
Qel 'ach SIbI' cheghpu'. jawbe'pu' vajar Qel je. ja'pu' vajar
<roplaw' qama'. naDev yIloS. DaH mo' yI'el>. ja'pu' Qel <vInuDnIS.
bIlugh. ropbej. vImunnIS. pItlh. 'arghchugh HIrI'qa'>. qama'vaD
jatlhbe'law' Qel 'ach ram. tlhIngan Hol jatlhbe'pu' qama'.
De' law''e' Sovbe'bogh vajar nejtaH qImyal. tagha' jatlh, "vajar HoD
qaSuj vIneHbe' 'ach wo'vaD potlhqu' Qu'vam. may'Dujvetlhvo' De' pegh
nIHta' vay'. Qaw'lu'mo' may'Duj wo'vaD 'ut De'. Dangu'laHchugh
DuquvmoHbej wo'. chaq De'vetlh DapeghmeH neppu' vay'. Dangu'laHchugh
Duvanqu' wo'. nuq DaSov?"
QaH 'e' nIDqu' vajar 'ach De' pegh nejtaHbogh Sovbe'chu'.
---
SKI: General qImyal thinks vajar can help her find secret information.
----
[110] Anyone have a better way to describe hooding or blindfolding a prisoner?
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol