tlhIngan-Hol Archive: Thu Nov 17 19:33:23 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' chorghmaH Soch: <taj noj>
I'm sending you Friday's instalment early because I will be out of
town. Saturday's may be late. It has been an interesting challenge
writing these. At first I just wrote and tried to find a natural
break every 250 words or so, but now I'm conscious of the effect of
the breaks, so I start writing for the episodal format.
The first officer stopped screaming shortly after Hota'ro' went to visit him.
86
bItchoH HoD. nuq ta'lI' Hota'ro'? Hu' 'ej HoDpa' lojmIt retlhDaq
QamchoH. jatlhtaH 'ungya 'e' QoylaHmo' leSchoH 'a pay' 'ungya mu'mey
QoychoHlaH. nuH bey'Daj Del 'ungya 'ej tajmey le' perlI'. tajmey
SuqmeH Hota'ro' ra'lI'. HoD pa' mejDI' Hota'ro' meH mej 'ej mIch wej,
ungya' pa' je 'el yInroHDaj. cheghtaHvIS chob'a'Daq ghom HoD. 'op
tajmey qeng. "HoD." jatlh Hota'ro'. tajmey qengmeH cha' ghop
lo'taHmo' vanbe'. QamtaHvIS Hota'ro' woS qIpmeH pe'vIl ro' lo' HoD.
Hota'ro' nach vIHqu'moH 'ej Sa'HutDaq pum, tajmey chaghtaHvIS. ravvo'
HoD bejtaH. morghbe' 'a chunlaw' qab.
"mIch wej Da'el net tuch!" jatlh HoD.
"luq HoD! vI'elqa'be', HoD!" jatlh Hota'ro'. bIjlu'DI' jotqu'mo'
Hota'ro' reH qIpqa' neHchoH. bIj meq lIjlaw'pu' HoD 'a bIj qotlhba'.
ba'taHmo' chaq val. qIpmeH joD neHbe'. 'a puplaH. qIv pup. DaSpu'
lo'be' 'ach 'oy' SIQ 'e' 'angmo' Hota'ro' qab bel HoD. meHDaq chegh.
qaSpu'DI' tup puS meH 'el Hota'ro'. rIgh. SIbI' HoDpa' 'el, tajmey
qengtaHvIS. tugh tlha' HoD. 'ungya retlhDaq tajmey lanta' DeghwI'.
tajmey DellI' 'ungya 'ej HIpDajDaq So'lI' DeghwI'.
"nuq bota'lI'?" jatlh HoD QeH.
jatlh 'ungya, "SochHu' , poSchoHpa' Som, lopmeH neH Hu'qa'ta'mo'
DeghwI', nuHmey qengbe'pu'. pa'DajDaq Hoch nuHDaj tu'lu'." 'oy'
SIQmo' yev 'ungya. jatlhqa', "Duj HubmeH tajmey poQ SuvwI'. 'op
vInoj. Do'Ha' DeghwI'ma' 'IHmoHbe' SutmeywIj." Hota'ro' porghDaq
Doghbej ghutar yIvbeH.
Hoch nuHmey So'ta'DI' Hota'ro' ghaHvaD jatlh HoD, "DaH nuq Danab?"
jatlh Hota'ro', "jItoy'rup, HoD. chay' chora'?"
"puchpa' yISay'moH. yIruch!" jatlh.
"lu' HoD!" jatlh Hota'ro' 'ej lobmeH moD. mejtaHvIS rIghtaH.
mejpu'DI' Hota'ro' jatlh HoD, "tajmeyvaD Dutlhob'a'?"
jatlh yaS wa'DIch "ghobe'. yIvbeHvetlh vInuSDI' QIj."
jatlh HoD. "qatlh ghaH DarI'pu'?"
"chojangbe'mo'," jatlh 'ungya. "muQorghvIpbe' Hota'ro'. SIj ghaH. qatlh Dapar?"
"mughIj. may wanI' 'e' SaHbe'law'mo' ghob Hutlhlaw'. Huj." jatlh HoD.
"woQ DaSaHbe'law'mo' nuvpu' DaghIj SoH" jatlh yaS wa'DIch. "Hut
tlhIngan may'Duj HoDpu' DaponglaH'a'?"[52]
"ngIq wa' may'Duj HoD vIponglaHbe'." jatlh HoD "vISaHbe'chu'."
---
SKI: The captain clears some things up, but is uncertain about others.
----
[52] Can pong mean "specify the existing name of" in this way? I
haven't used it this way before.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol