tlhIngan-Hol Archive: Thu Feb 17 13:15:36 2011
[Date Prev][Date Next][Thread Prev][Thread Next]
Re: lut pIm: juHDuj
On Mon, Jan 31, 2011 at 3:39 PM, ghunchu'wI' 'utlh <[email protected]> wrote:
> pelop! qoqmey vIqelbe'choH. juHDuj vIqel.
wejHu' navmey potlh vIHev. juHDujwIj vIDoQchu'meH navmeyvam poQ yavDuj
loH. wa'Hu' loH yaH vISuch. Hoch navmey vIHevpu'bogh vIqem.
Duj per'a' vIghaj. je'wI' mab vIghaj. qelI'qam maqwI' vIghaj. Duj'e'
vIghaj, Duj mI' 'olnISmo' loH.
latlh Huj vIghaj je. Heghpu' nuv pongbogh per'a'. HeghDaj De' SeQ,
ra'bogh Heghpu'wI' ghItlh je vIghaj. Heghpu'wI' Duy' gheS puqbe' net
wIv 'ej Duy' chaw' vIghaj.
Do'Ha' yapbe' chaw'vam. Heghpa' nuv ghItlh cherlu'. ngevwI' DIb Daj
chaw'qoq. vaj ngevwI' vIrI' 'ej latlh De' vIpoQ. ghaytan De'vam
ghajbe' ngevwI'. QatlhchoH ghu'. chutmey vIyajbe'.
-- ghunchu'wI'