tlhIngan-Hol Archive: Thu Feb 17 07:06:48 2011
[Date Prev][Date Next][Thread Prev][Thread Next]
qoqqoqmey - jaj wejmaH Hut
- From: "ghunchu'wI' 'utlh" <[email protected]>
- Subject: qoqqoqmey - jaj wejmaH Hut
- Date: Thu, 17 Feb 2011 10:04:24 -0500
DaHjaj DeS wIloS.
jImIS.
wa'Hu' wanI'mey DaHjaj wanI'mey vIDuDlaw'.
vIqawHa'ba'.
qay'be'.
qaSpu' Hoch vIDelbogh 'ej chaq lughbe' jaj neH.
Qapbe'taH DeS.
nguSDI' pIm lujomlu'.
SaHbe' baS SIrghmey.
DeS luvIHmoHlaHbe' nguSDI'.
vumtaH DeS pat beq.
tlhetlhlaw' 'ach ta'be'law'.
qoq ngo'Daq HaSta noch vIlIS.
taghDI' Quj ray'vo' Hopmo' DoS leghchu'be'.
DuvnIS qoq ray' puSlaHpa'.
qay'be'.
rutlhmey leng juvlaH qoq 'ej Duv'eghmoHlaHbej.
wej tut chenmoH neSlo'nav ray'.
Hoch tutDaq law' DoS.
tut ngu'laHmeH qoq wIghunnIS.
Qatlhbe' Qu'vam.
DoSDaq gho wIHuSmoHmeH DeS vaQ wIpoQ.
Qapbogh DeS wIHutlh Saja'pu''a'?
-- ghunchu'wI'