tlhIngan-Hol Archive: Wed Feb 16 08:37:21 2011
[Date Prev][Date Next][Thread Prev][Thread Next]
qoqqoqmey - jaj wejmaH chorgh
- From: "ghunchu'wI' 'utlh" <[email protected]>
- Subject: qoqqoqmey - jaj wejmaH chorgh
- Date: Wed, 16 Feb 2011 11:34:51 -0500
DaHjaj mavum.
ghomvaD lenjaj 'oH Monday motlh'e'.
tugh qoq wIHIjnISmo', Qu'jaj moj.
rInbe'taHqu' qoq chu' DeS.
lumlaw' vumwI'pu'.
latlh qoq 'ay' lubuSlaw'.
numoghmoH Serqoq.
qoq ngo'Daq HaSta noch, wovmoHwI'mey SuD je vIjom.
HaSta cha' SeHlaw jIH.
HaSta poj qoq SoSbor.
neSlo'nav ghovchu'.
DaH neSlo'nav Daq pojmeH qoq wIghunnIS.
DoSmey puSnIS qoq.
qoq chu' wIpong: "XXcelscior".
cha' qech 'oS pongvam.
DoS jen SIchlaH DeS (net nab).
ghommaj DIS cha'maHDIch 'oH DISvam'e'.
DaH QaplaH wej qoqmey.
mareHmeH vo'wI' qoq wIlo'.
mangongmeH qoq ngo'qu' wIlo'.
quqlaHbe' qoqmeyvam.
rap Se' lulo'bogh.
potlhba' qoq chu' wIchenmoHtaHbogh.
wa' Hogh pIq qoq chu' wIHutlhchoH.
qeqnISmo' DeghwI' ya je latlh qoq chu' wIneH.
latlh nIb chenmoH beq 'e' nab.
DISvam qoq wInabDI', SeHwI' pat wIteqlaH 'e' wInab.
Do'Ha' choHpu' nabvam 'ej bobcho' wIteqlaHbogh 'oHbe'.
SeHwI' pat poQba' nIbwI'.
vaj ngongmeH qoqvo' yaH 'ej qeqmeH qoqDaq jomlu'.
'ach chenchoHpa' qoq cha'DIch, chenta' qoq wa'DIch jay' net tul.
-- ghunchu'wI'