tlhIngan-Hol Archive: Mon Jun 01 03:24:01 2009

Back to archive top level

To this year's listing



[Date Prev][Date Next][Thread Prev][Thread Next]

Re: mej rIntaH -- bIQ'a'Daq 'oHtaH 'etlh'e'

Brent Kesler (brent.of.all.people@gmail.com) [KLI Member]



jabbI'ID vIngeHta'. jabbI'ID Say'moHwI' chermeH, vIQaH 'e' vIchup.
Doch. Sengmey Delchu' 'e' vIchup, wIQaHchu'meH. Dochqa'. 'ach jIHvaD
ja'pu' je: SID ghaH. chejqoq naghmeymo' jachtaH 'e' ja'pu'. chaq chech
je 'e' vIQub.

not chejqoq naghmey vISIQpu', vaj loD vItIch 'e' vIneHbe'. 'ach
tlhoqo'Hey ghaH. bepqu' 'e' nIDqu' -- ghaH mevbe' 'oy''a'HeyDaj.

bI'reng


On Sun, May 31, 2009 at 7:17 PM, ghunchu'wI' <qunchuy@alcaco.net> wrote:
> pelop!
>
> On May 31, 2009, at 6:09 PM, Christopher Fulkerson, Ph.D. wrote:
>> ...(I got off the thlingan-hol list yesterday)...
>
> mejmeH ghaH vIboQtaH, qaStaHvIS wej jaj.  mIwHommey pup vIDel.
> «naDev yIghoS. mu'vam yIghItlh. pervam yISIq.»  motlh jang «Qapbe'.
> Qagh QIn vIHev» neH.  Qagh QIn 'angbe'.  Qapbe'bogh mIwHom ngu'be'.
> DaHjaj tagha' vIja' «jIHvaD HaStalIj yIcha'. bISIqpa' HaSta yIpol 'ej
> jIHvaD yIngeH.»  HaSta tamey lI'be' ngeH; ta machqu'moHta' ghaH 'ej
> mu'mey vIlaDlaHbe'.  'ach Sengmey law' DeltaHvIS ghaH, De'Homvam
> chel: «wa'Hu' vImuvHa'».  Qu'vaD potlhbe'ba' De'; latlh mu'tlheghDaq
> So'ta' ghaH.
>
> vaj tlheDta' ghIlab ghewvam.  pelop!  chaq wa'leS maHegh.
>
> -- ghunchu'wI'
>
>
>






Back to archive top level