tlhIngan-Hol Archive: Mon Jul 13 11:21:48 2009

Back to archive top level

To this year's listing



[Date Prev][Date Next][Thread Prev][Thread Next]

Treksfera 2009

Agnieszka Solska (agnpau1@hotmail.com) [KLI Member] [Hol po'wI']



qen SepwIj monDaq ghom Hov leng ngotlhwI'pu'. qepchajvaD Treksfera 2009 ponglu'. jIjeS je jIH. qaSpa' wanI'vam not Hov leng ngotlhwI'pu' qepDaq jIjeSpu'. Daj wanI'vam 'e' vItul. 'ach jIQub: <<Dajbe'chugh qay'be'.>>
 
Dajbej Treksfera 2009. vItIvqu'. Dajbogh muchmey law' vI'Ij. Dajbogh nuvpu' law' vIqIH. 'ach jeSwI' neH jIHbe'. 'op wen qep DevwI'vo' QIn vIHev. mutlhob DevwI', jatlh: <<qaStaHvIS qepmaj tlhIngan Hol bopbogh much'e' yImuch. jeSwI'pu'vaD tlhIngan Hol potlhmey tIDel pagh tlhIngan Hol ghojmoHwI' yIDa.>> 
 
QaDvam vIlaj 'ej cha' muchmey vImuch. tlhIngan Hol ghojmoHwI' vIDa. <<tlhIngan Hol DaHaDrup'a'? 1>> 'oH much wa'DIch per'e'. <<tlhIngan Hol DaHaDrup'a'? 2>> 'oH much cha'DIch per'e'. rap permey 'ach rapbe' muchmey. chu'wI'pu'vaD lI' 'e' vItul. 
 
law'mo' HaDqangwI'pu' jIbel. muchmeywIj tIvlaw'mo' jIQuch. batlh tlhIngan Hol luHaDbejmo' muquvmoH.
 
'ISqu'
 
_________________________________________________________________
More than messages?check out the rest of the Windows Live?.
http://www.microsoft.com/windows/windowslive/




Back to archive top level