tlhIngan-Hol Archive: Wed Nov 28 17:55:01 2007
[Date Prev][Date Next][Thread Prev][Thread Next]
pIpwIj tI'lu'
- From: QeS 'utlh <[email protected]>
- Subject: pIpwIj tI'lu'
- Date: Thu, 29 Nov 2007 11:53:57 +1000
- Importance: Normal
Savanqu'.
qaStaHvIS cha' jar, 'oy'qu'taH pIpwIj 'uSwIj je. pIp Hommey jojDaq Ha'DIbaH ghomey lutu'lu', 'ej SIH pIp 'e' luchaw'. Sachpu' ghomeyvetlh 'ej pIpwIj SIrgh lu'uyqu'. 'oy'taHqu'ghachmo' quSDaq vIba'laHbe'qu'pu' 'oy'qu'mo', 'ej qaStaHvIS Hogh law' jIQotnIStaH. jIQamtaHvIS 'oy' 'ej jIba'taHvIS 'oy'. vaj De'wI' QInmey vIlaDlaHbe'pu'. qaStaHvIS Hogh'e' nungbogh Hoghvam, pIpwIj qay'be'choHmoHlu'meH vIHaqlu'.
ghomeyvetlh luHaqlu'. lutI'lu'. DaH pIpwIj SIrgh lu'uybe'choH. loQ 'oy' Daq Haqlu'bogh, 'ej loQ reghtaH, 'ach Do' DaH jIyItqa'laH. jIDachpu', 'ach jIchegh. ghaytan puSbejtaH QInwIj, 'ach tetlh QIn vIlaDqa'.
SKI: QeS 'utlh is in the recovery phase from spinal surgery, and is now capable of sitting for the length of time required to read emails.
QeS 'utlh
tlhIngan Hol yejHaD pab po'wI' / Grammarian of the Klingon Language Institute
not nItoj Hemey ngo' juppu' ngo' je
(Old roads and old friends will never deceive you)
- Ubykh Hol vIttlhegh
_________________________________________________________________
New music from the Rogue Traders - listen now!
http://ninemsn.com.au/share/redir/adTrack.asp?mode=click&clientID=832&referral=hotmailtaglineOct07&URL=http://music.ninemsn.com.au/roguetraders