tlhIngan-Hol Archive: Tue Nov 06 15:53:08 2007
[Date Prev][Date Next][Thread Prev][Thread Next]
Re: vIghro'vetlh
ja' DloraH:
> toy'wI''a' 'oHbe' SajmeywIj.
> tlhab.
tlhab HochHom vIghro'mey.
cha'maH ben juHwIjDaq Dab vIghro'. toy'wI''a' 'oHbe'bej.
toy'wI'Daj'e' jIH jay'.
ja'pu' Doq:
> Saj je' 'Iv? (SajvaD Soj nob 'Iv?)
> Saj je' 'Iv? (Saj SuqmeH, Saj DIl 'Iv?)
taQ. <je'> wa'DIch vIlaDDI', chuHbogh mu'mey vIlaDpa', SIbI' Soj bop
'e' vIyaj. <je'> cha'DIch vIlaDDI', chuHbogh mu'mey vIlaDpa', SIbI'
Huch bop 'e' vIyaj. Hoch laDta'pa' yabwIj, chaq chuHwI' leghpu'
mInDu'wIj.
roD SajmajvaD Soj wIjab, 'ach rut juH retlhDaq leng 'ej je''egh.
Sajvam'e' chIch wISuqbe'. veng botlhDaq mob 'ej nuwIvlaw' 'oH.
'ach vIghro' 'oH. pImchu' "dog" ghu'. roD pIn'a' toy'bej.
-- ghunchu'wI'