tlhIngan-Hol Archive: Tue Nov 06 12:05:53 2007
[Date Prev][Date Next][Thread Prev][Thread Next]
RE: vIghro'vetlh
- From: "DloraH" <[email protected]>
- Subject: RE: vIghro'vetlh
- Date: Tue, 6 Nov 2007 13:06:55 -0600
- In-reply-to: <[email protected]>
- Thread-index: AcggHajoR1GD9IzfTg2fwcgIGCx+zgAh1q2w
toy'wI''a' 'oHbe' SajmeywIj.
tlhab.
juH mej neHchugh, juH mej.
juH 'el neHchugh, juH 'el. wIQaHnISbe'.
teH, Soj wISaHmoH, 'ach wam je. Hur ghoS, latlh Ha'DIbaH wam, 'ej Sop.
rut latlh Ha'DIbaHvetlh (SojDaj) QID neH 'ej juH qoDDaq qem, ravDaq reH, ravDaq 'Iw ngoH. 'ej rav
vISay'moH jIH.
jav wen QongDaqDaq Ha'DIbaH ghoQ lan Sajmaj, jIQongtaHvIS.
mo' vIlo'be'. qama' 'oHbe'.
DloraH
> -----Original Message-----
> From: [email protected]
> [mailto:[email protected]] On Behalf Of Doq
> Sent: Monday, November 05, 2007 20:32
> To: [email protected]
> Subject: Re: vIghro'vetlh
>
> vIghro' par be'nalwI'. jISaHbe'. vIghro' vIparHa', 'ach vIghro'mey
> vISuch vIneH. toy'wI''a' 'oHbogh Ha'DIbaH'e' vIneHbe'. toy'wI''a'mey
> bIH Hoch Sajmey'e'.
>
> ghaytan naDev vuDwIj par HochHom, 'ach yIqelqa'. tlhab'a' Sajmey?
> ghobe'. pIn'a' ghaj. Saj je' 'Iv? (SajvaD Soj nob 'Iv?) Saj je' 'Iv?
> (Saj SuqmeH, Saj DIl 'Iv?) Saj je' pIn'a'.
>
> chaq Saj SaHchu' pIn'a'. chaq Saj Qorghchu' pIn'a'. Saj
> toy'wI''a' je
> pImmoH'a' ngoDvam?
>
> ghobe'. toy'wI''a' SaHlaHchu' pIn'a'. toy'wI''a' QorghlaHchu' pIn'a'.
>
> toy'wI''a' Qorghchu'bogh pIn'a''e' ghaj toy'wI' Do'. toy'wI''a'
> QorghHa'bogh pIn'a''e' ghaj toy'wI' Do'Ha'. pImbe' Saj.
>
> cha' pIn'a' ghajlaw' Jon be'nal vIghro'. Do'moH wa'.
> Do'Ha'moH latlh.
> tlhabDaj nobQo' cha' pIn'a'vam.
>
> Doq
>
> On Nov 4, 2007, at 3:47 AM, Jonathan Webley wrote:
>
> > vIghro' ghaj be'nalwI'. munuQ Ha'DIbaH. QongDaqDaq Qong
> vIghro' 'e'
> > chaw'
> > be'nalwI'. QongDaqDaq jIjaHDI' ravDaq vIghro' vIroQ. bep vIghro'
> > 'ej latlh
> > DaqDaq QongnIS.
> >
> >
> > DaHjaj jIvem 'ej 'eq. QongtaH be'nalwI'. jIHu' 'ej bIngDaq jIjaH.
> > ghung
> > vIghro' 'ach vIje'be'. DungDaq jaH vIghro' 'ej QongDaqDaq
> ba'. belHa'
> > be'nalwI'. jIHagh.
> >
> >
> >
> > noH'e' maqbogh pagh 'oH tlhogh.
> >
> >
> >
> > Jon
> >
> >
> >
> >
>
>
>