tlhIngan-Hol Archive: Mon Jul 30 10:29:59 2007

Back to archive top level

To this year's listing

• Index by Date
• Index by Thread
• Index by Author

qep'a'vo' jIchegh

Eric Andeen ([email protected])

• From: "Eric Andeen" <[email protected]>
• Subject: qep'a'vo' jIchegh
• Date: Mon, 30 Jul 2007 10:26:00 -0700
• In-reply-to: <[email protected]>
• References: <[email protected]>
• Thread-index: AcfEiljvuJSD7jkpR0yQNer9bKvDKwOO9+7Q

toH. qep'a' vIghoS. jIjeS. tlhIngan Hol vIjatlh. juppu' vIghomqa'. muDuQbogh
megh vISop. Dun wanI'mey.

'ach qep'a' bopbe' QInvam. juHwIj vIcheghmeH leng bop.

paS jItlheDmeH rep net nab. pupbe' ghu', 'ach qay'be'. De'wI' vIghaj 'ej lut
vImughmeH jIvumlaH. mebpa' SopwI' pa'Daq jIloS 'ej jIvum, 'ej ghIq muDDuj
vergh'a'Daq mulup lupDujHom. tIjmeH chaw' vISuq. Hungqoq vISIQ. waqmeywIj
vItuQHa''eghmoH 'ej tepqengwI'wIjvo' De'wI'wIj, taS balHommeywIj je vIlel.
tlheDmeH lojmIt vISam. Qe'mey vIchov 'ej megh paS vIje' 'ej vIje''egh.
jIloStaHvIS jIvumqa'. reDDaq, ravDaq je puS 'ul Hal, 'ach wa' vIwam 'ej
vIjon, vaj De'wI'wIj vIHujlaH.

qaStaHvIS repmey vInatlhnIS qay'be'law' ghu'. jIloSta'DI' muDDuj vItIj 'ej
tagh cheghmeH lengwIj. paSbe'taH 'e' maq muDDuj vu'wI'. 'ach chol tIjmeH
poH, 'ej pawpu'be' muDDuj. chaq loQ paS neH - ghaytan qay'be'. ghochDaj
puvtaH 'e' vISov.

'ach ghIq tagh Doghbogh Qugh 'ej tIqbogh. ja' lojmIt boQ <<paS cholbogh
muDDuj. nIn natlhpu'mo' naDev Saq net chaw'be'. latlh muDDuj vergh'a'Daq
qevqu'lu'be'bogh SaqnIS. pa' latlh nIn Suq 'ej ghIq, Qobbe'choHDI' naDev
chalmey, naDev jaH.>>

wanI'vam maqlu'DI', qaStaHvIS cha' rep neH mIm leng net nab. 'ach yapbe'ba'
cha' rep neH. loSlogh nI'choH poH; pumDI' rutlh qaSpu' jav rep jay'. wa'logh
muDDuj tIjmeH lojmIt vIvegh 'ej muDDuj retlhDaq jIQam, 'ach tIj raQpo' net
chaw'be'. 'ach tagha' tIj Hoch 'ej matlheDrup. jatlh beq <<Soch tup pIq
matlheDta'be'chugh, vummeH poHchaj natlhpu' beqvam 'ej vumtaH net
chaw'be'.>> 'ach Do' mon Qunpu' 'ej matlheD.

Qorwagh quS vIghaj, 'ej ngoDvetlhmo' jIbel. 'IHqu' leng. naQ maS 'ej wovqu'.
Hurghba'mo' chal, ghorDaq cha' Doch Segh neH vIleghlaH: vengmey, bIQ je.
wovba' vengmey, 'ej rut 'IH, 'ach lengvamDaq bIQ 'IH law' Hoch 'IH puS.
SIla' Da bIQ, 'ej wovqu'mo' maS, bIQ Daq juSDI' muDDuj chISchoH 'ej bochqu'.
ngeng mach ghom juSDI' muDDuj, yavDaq pumpu'bogh naghbochmey rur. bIQ
vIleghDI', taS baS 'aD rur.

qaStaHvIS HochHom leng jajlo'vo' wIHaw', 'ach juHvengwIj wIcholchoHDI'
nughoch 'ej nujon jajlo'. DoqchoH ghangwI' 'ej wovqu'. 'eng bIngDaq meQlaw'
qul'a'.

veng 'ev chanDaq HuD'a' vIlegh. nIteb 'engvo' nargh. 'ej bIQ'a' vIleghDI',
juHvengwIj vIcheghpu' 'e' vISov. naDev Dechchuq puH, bIQ je. puHDaq Dat tI
tu'lu' - Hoch chImbogh 'uj Dan. 'ej Hoch DungDaq Sormey tu'lu'. Hurgh 'ej
SuDqu'. yoSvamvaD <<SuDtaH>> ponglu', 'ej qarqu' pong.

pagh

qaStaHvIS cha'maH chorgh rep jIQongpu'be', vaj ghaytan jIDoghchoHpu' 'ej
naDev Dap neH tu'lu'. jISaHbe'.

• Follow-Ups:
  • Re: qep'a'vo' jIchegh
    • From: Alan Anderson <[email protected]>

• References:
  • qep'a' mebna'
    • From: "Dr. Lawrence M. Schoen" <[email protected]>

• Prev by Date: Re: Klingon WOTD: 'Itlh (verb)
• Next by Date: Doctor Approved and Recommended
• Previous by thread: Re: qep'a' mebna'
• Next by thread: Re: qep'a'vo' jIchegh
• Index(es):
  • Date
  • Thread
  • Author

Back to archive top level